بی جے پی دفتر پر حملہ کرنے کے الزام میں سات افراد پولس حراست میں

ریاستی انتخابات کے دوسرے مرحلے کے بعد گڑیا کے پنچ سائر علاقے میں بی جے پی ایجنٹ کے دفتر پر حملے کے سلسلے میں پولیس نے سات افراد کو گرفتار کیا ہے۔ عدالت نے ان ملزمان کو ایک روزہ پولیس ریمانڈ پر بھیج دیا ہے۔ بی جے پی ایجنٹ شانتنو سرکار کی اہلیہ انکیتا سرکار نے اس معاملے میں تھانے میں ایف آئی آر درج کرائی تھی۔ شکایت میں سات افراد کو نامزد کیا گیا تھا، جنہیں پولیس نے گرفتار کر لیا ہے۔ بدھ کو جادھو پور حلقے میں ووٹنگ ختم ہونے کے بعد جب شانتنو اور انکیتا گھر لوٹ رہے تھے، تو کچھ لوگوں نے ان کی گاڑی روکنے کی کوشش کی۔ بعد ازاں انہیں اطلاع ملی کہ شانتنو کے دفتر پر حملہ کیا گیا ہے۔ شکایت کے مطابق دفتر میں توڑ پھوڑ کی گئی جس سے سی سی ٹی وی کیمروں کو نقصان پہنچا۔ گاڑی پر اینٹیں بھی ماری گئیں۔ انکیتا نے مزید الزام لگایا کہ دفتر سے 40 ہزار روپے نقد چوری کیے گئے ہیں۔شکایت کنندہ کا کہنا ہے کہ انہوں نے سی سی ٹی وی فوٹیج میں دفتر کے باہر ہجوم جمع ہوتے دیکھا ہے۔ انہوں نے اس معاملے میں پولیس کے تعاون پر اطمینان کا اظہار بھی کیا ہے۔

Source: PC-anandabazar