بی جے پی کے نیشنل صدر نیتن نوین پر انتخابی مہم کےلئے سی آر پی ایف کی گاڑی استعمال کرنے کا الزام

ترنمول کانگریس نے بھارتیہ جنتا پارٹی (بی جے پی) کے قومی صدر نیتن نوین پر مغربی بنگال میں انتخابی مہم کے دوران مرکزی مسلح پولیس فورس (سی آر پی ایف) کی گاڑی استعمال کرنے کا سنگین الزام عائد کیا ہے۔ ٹی ایم سی نے سوشل میڈیا پر ایک ویڈیو شیئر کرتے ہوئے الیکشن کمیشن کی غیر جانبداری پر بھی سوالات اٹھائے ہیں۔ ٹی ایم سی نے دعویٰ کیا ہے کہ نیتن نوین بی جے پی کی انتخابی مہم کے دوران سی آر پی ایف کی سرکاری گاڑی میں گھوم رہے ہیں۔ ویڈیو میں نیتن نوین کو ایک گاڑی میں سوار ہوتے اور کارکنوں سے بات کرتے دیکھا جا سکتا ہے، جسے ٹی ایم سی نے 'مرکزی فورسز کا سیاسی غلط استعمال' قرار دیا ہے۔حکمران جماعت نے طنزیہ طور پر لکھا کہ "مرکزی فورسز نے بنگال میں ایک نئی سروس شروع کی ہے—بی جے پی کی مہم کے لیے مفت گاڑیاں فراہم کرنا۔"ٹی ایم سی کا کہنا ہے کہ مسلح افواج کو اس طرح سیاست میں گھسیٹنا ملک دشمنی کے مترادف ہے۔ترنمول نے الزام لگایا کہ الیکشن کمیشن بی جے پی کی ان غیر اخلاقی سرگرمیوں پر "اندھا" بنا ہوا ہے، جبکہ ٹی ایم سی کے لیے سخت قوانین (لکشمن ریکھا) نافذ کیے جا رہے ہیں۔ٹی ایم سی کا دعویٰ ہے کہ مرکزی فورسز وزیر داخلہ امیت شاہ کی ہدایت پر کام کر رہی ہیں، اور ان حالات میں فورسز سے غیر جانبداری کی توقع کرنا نادانی ہے۔

Source: PC-sangbadpratidin