بی جے پی بنگال میں اسمبلی کی طرح لوک سبھا کی تمام سیٹیں جیتنا چاہتی ہے

بی جے پی کی مرکزی قیادت نے مغربی بنگال کے سیاسی منظر نامے پر اپنی توجہ مرکوز کر دی ہے۔ بی جے پی کے کل ہند صدر نتن نوین نے پارٹی کے مرکزی جنرل سکریٹریوں کے ساتھ دہلی میں پارٹی ہیڈکوارٹر میں ایک اہم میٹنگ کی، جس میں مغربی بنگال سمیت دیگر ریاستوں کی صورتحال پر تبادلہ خیال کیا گیا۔بی جے پی نے آئندہ لوک سبھا انتخابات میں مغربی بنگال کی کل 42 نشستوں میں سے 35 نشستیں جیتنے کا بڑا ہدف مقرر کیا ہے۔میٹنگ میں بنگال کی موجودہ سیاسی صورتحال اور نچلی سطح پر پارٹی کو مضبوط بنانے کے طریقوں پر بحث کی گئی۔اس میٹنگ میں صرف بنگال ہی نہیں بلکہ دیگر ریاستوں کے حوالے سے بھی اہم فیصلے لیے گئے۔آسام میں پارٹی کی کارکردگی اور وہاں حکومت کے کاموں کا جائزہ لیا گیا۔پڈوچیری میں اتحادی شراکت داروں کے تعاون سے بننے والی حکومت، وہاں کی سیاسی صورتحال اور حلف برداری جیسے معاملات پر تفصیل سے بات چیت کی گئی۔نتن نوین کی صدارت میں ہونے والی اس میٹنگ کا مقصد آئندہ بڑے انتخابات کے لیے تنظیمی ڈھانچے کو متحرک کرنا ہے۔ بنگال کے لیے 35 نشستوں کا ہدف یہ ظاہر کرتا ہے کہ بی جے پی ریاست میں ترنمول کانگریس کے خلاف ایک بڑے اور فیصلہ کن مقابلے کی تیاری کر رہی ہے۔

Source: PC-anandabazar