بی جے پی اگر اقتدار میں آئی تو مچھلی ، گوشت پر لگے پابندی

سالٹ لیک کے مچھلی پالنے والے علاقوںمیں ان دنوں ایک عجیب سا خوف پایا جا رہا ہے۔ افواہ یہ ہے کہ اگر بی جے پی اقتدار میں آئی تو بنگال میں غیر سبزی خور کھانے (امیث) پر پابندی لگ جائے گی۔ یہ خدشہ خاص طور پر ان لوگوں کے لیے پریشان کن ہے جن کا پورا کاروبار اور روزی روٹی مچھلی کے کاروبار سے وابستہ ہے۔ ودھان نگر اسمبلی حلقہ کے تحت آنے والے علاقے جیسے چھینا بھی، ناو بھانگا، کولی پاڑہ، خاص محل، گورو مارا اور نل بن اس مچھلی منڈی کا مرکز ہیں۔یہ علاقے ودھان نگر میونسپل کارپوریشن کے وارڈ نمبر 35، 36 اور 28 کے تحت آتے ہیں۔ یہاں ہزاروں بیگھہ سرکاری اور نجی جھیلیں (بھیڑی) موجود ہیں، اسی لیے اسے مقامی طور پر 'مستسیہ محل' کہا جاتا ہے۔ ہزاروں مزدور، مالکان اور برآمد کنندگان اس کاروبار سے جڑے ہوئے ہیں۔مچھلیاں پکڑنا، جھیلوں کی دیکھ بھال، مچھلیوں کو خوراک دینا اور پانی کی صفائی جیسے کاموں سے یہاں کے لوگوں کا چولہا جلتا ہے۔ یہاں کے لوگوں کا ماننا ہے کہ اگر مچھلی کے استعمال پر کوئی بھی پابندی لگی تو نہ صرف ان کی آمدنی بند ہو جائے گی بلکہ یہ پورا علاقہ معاشی طور پر تباہ ہو جائے گا۔

Source: PC-anandabazar