بھوانی پور کے اسٹرانگ روم میں وزیر اعلیٰ کی موجودگی کے بعد شوبھندو ادھیکاری سرگرم

بھوانی پور کے اسٹرانگ روم میں وزیراعلیٰ ممتا بنرجی کی موجودگی کے بعد قائد حزب اختلاف شبھندو ادھیکاری چوکس ہو گئے ہیں۔ انہوں نے جمعہ کو پارٹی کارکنوں کا ہنگامی اجلاس طلب کیا ہے اور خود بھی گنتی کے مرکز کا دورہ کرنے کا فیصلہ کیا ہے۔ جمعرات کی رات ممتا بنرجی کے سخاوت میموریل اسکول کے اسٹرانگ روم میں چار گھنٹے قیام پر شبھندو ادھیکاری نے سوشل میڈیا پر پوسٹ کیا۔ انہوں نے دعویٰ کیا کہ ممتا بنرجی وہاں کوئی "غیر قانونی کام" نہیں کر سکیں کیونکہ بی جے پی کے انتخابی ایجنٹ سورجنیل داس نے ان پر کڑی نظر رکھی ہوئی تھی۔شبھندو ادھیکاری جمعہ کو بھوانی پور کے تنظیمی لیڈروں کے ساتھ ایک اہم میٹنگ کریں گے۔ اس میٹنگ میں اسٹرانگ روم کی حفاظت، پارٹی کی جانب سے نگرانی اور گنتی کے دن کی حکمت عملی پر تبادلہ خیال کیا جائے گا۔بی جے پی امیدوار شبھندو ادھیکاری شام 5 بجے خود سخاوت میموریل اسکول (گنتی کا مرکز) جائیں گے۔ وہاں سے وہ الیکشن کمیشن کے دفتر اور پھر اورفن گنج میں پارٹی کے دفتر جا سکتے ہیں تاکہ کارکنوں سے خطاب کر سکیں۔

Source: PC-anandabazar