Kolkata

بھابھی سے تعارف ہو گیا ہے‘، لوک بھون میں ممتا نے دکھائی بنگال کی مہمان نوازی، نئے گورنر متاثر

کولکاتا12مارچ :سیاسی محاذ آرائی کے ماحول کے درمیان بنگال میں گورنر کی تبدیلی ہوئی ہے۔ تاہم، اس کے باوجود ریاست کے 22ویں گورنر کے طور پر آر این روی کی تقریبِ حلف برداری میں اخلاقیات اور رواداری کی مثال دیکھنے کو ملی۔ وزیر اعلیٰ کے برتاو سے نئے گورنر بے حد متاثر ہوئے، جبکہ ان کی اہلیہ لکشمی روی بھی کافی خوش نظر آئیں۔ مقررہ وقت کے مطابق جمعرات کو وزیر اعلیٰ ممتا بنرجی لوک بھون پہنچیں۔ اس وقت تک گورنر حلف برداری کی جگہ پر نہیں پہنچے تھے، لیکن ان کی اہلیہ لکشمی روی تھوڑی دیر پہلے ہی وہاں آ گئی تھیں۔ جیسے ہی وزیر اعلیٰ کو گورنر کی اہلیہ کا تعارف کرایا گیا، وہ فوراً ان کے پاس پہنچیں اور ان سے بات چیت شروع کر دی۔ اسی لمحے گورنر کا پورا خاندان بھی آگے آ گیا۔ وزیر اعلیٰ نے ان سے بنگال کی تہذیب و ثقافت کے بارے میں گفتگو کی۔ اس کے بعد حلف برداری کی تقریب شروع ہوئی۔ رسم کے مطابق چائے کی ضیافت کا اہتمام کیا گیا تھا، جہاں گورنر خود وزیر اعلیٰ کو مدعو کر کے ساتھ لے گئے۔

Source: PC- sangbadpratidin