بارش سے کولکاتا سمیت چار اضلاع متاثر

بارش سے کولکاتا سمیت چار اضلاع متاثر مسلسل بارش کی وجہ سے کولکاتا اور مضافات میں مشکلات ہیں۔ شہر کی متعدد اہم سڑکیں پانی میں ڈوب گئیں۔ جس سے آمد و رفت میں بھی دشواری ہوئی۔ جمعرات کی رات سے کولکاتا اور چار اضلاع میں بارش شروع ہوئی تھی۔ رات بھر جاری رہی۔ صبح بھی نہیں رکی۔ شمالی ۲۴ پرگنہ، ہوگلی، ہاوڑہ میں رات سے مسلسل ہلکی پھلکی بارش ہو رہی ہے۔ کبھی کبھار بارش کی شدت بڑھ گئی۔ جمعہ کی سہ پہر کو دھرم تلا، سینٹرل ایونیو سے متصل وسطی کولکاتا میں گرج چمک کے ساتھ بارش ہوئی۔ اسٹرینڈ روڈ پر ایک بڑا درخت گر گیا۔ جس کی وجہ سے وہاں کچھ دیر ٹریفک معطل رہی۔ تاہم شہر کے جنوب میں بارش کی مقدار نسبتاً کم رہی۔ مسلسل بارش سے وی آئی پی روڈ کا وسیع حصہ پانی میں ڈوب گیا۔ چنار پارک علاقے میں ۴۵ نمبر بس اسٹینڈ پانی میں ڈوب گیا۔ کھڑی بسوں کے پہیے بھی پانی میں ڈوبے ہوئے تھے۔ جمعہ کی صبح پانی سے ڈوبی وی آئی پی روڈ سے گزرتے وقت ایک چار پہیہ گاڑی خراب ہو گئی۔ گاڑی کا آدھا حصہ پانی کے نیچے چلا گیا۔ بعد میں کرین کی مدد سے وہ گاڑی سڑک سے ہٹائی گئی۔ اس کے علاوہ جمع پانی کو عبور کرتے ہوئے متعدد موٹر بائیکس اور چھوٹی گاڑیوں کے انجن خراب ہو گئے۔ جس کی وجہ سے وی آئی پی روڈ پر طویل ٹریفک جام ہو گیا۔

Source: Social Media