بانکوڑا: پک اپ وین کی ٹکر، دو موٹر سائیکل سوار ہلاک

بانکوڑا: پک اپ وین کی ٹکر، دو موٹر سائیکل سوار ہلاک بانکوڑا: پک اپ وین کی ٹکر سے دو موٹر سائیکل سواروں کی دردناک موت ہو گئی۔ یہ واقعہ جمعہ کی رات وشنو پور-آرام باغ اسٹیٹ ہائی وے پر جے پور تھانہ کے تانتی پکور علاقے میں پیش آیا۔ پولیس کے مطابق متوفین کی شناخت ابھیجیت کرماکر اور باپون مدیا کے طور پر ہوئی ہے، جو دونوں بانکوڑا کے وشنو پور شہر کے رہنے والے تھے۔ مقامی ذرائع سے معلوم ہوا ہے کہ گزشتہ روز وشنو پور شہر کے 6 دوست 3 موٹر سائیکلوں پر سوار ہو کر وشنو پور سے جے پور سیر کے لیے گئے تھے۔ دوپہر کو جے پور کے ایک ہوٹل میں کھانا کھانے کے بعد وہ شام کے وقت وشنو پور کی طرف واپس آ رہے تھے۔ جے پور تھانہ کے تانتی پکور علاقے میں اچانک سامنے سے آنے والی ایک پک اپ وین بے قابو ہو کر ایک موٹر سائیکل سے ٹکرا گئی۔ ٹکر اتنی زوردار تھی کہ موٹر سائیکل پر سوار دونوں نوجوان دور جا گرے۔ انہیں شدید زخمی حالت میں بچا کر وشنو پور سپر اسپیشلٹی اسپتال لے جایا گیا، جہاں ڈاکٹروں نے دونوں کو مردہ قرار دے دیا۔ حادثے کی خبر ملتے ہی متوفین کے لواحقین اسپتال پہنچ گئے اور غم سے نڈھال ہو گئے۔ واقعے میں پک اپ وین کا ڈرائیور اور کلینر بھی زخمی ہوئے ہیں، جنہیں علاج کے لیے وشنو پور سپر اسپیشلٹی اسپتال میں داخل کرایا گیا ہے۔

Source: Social Media