اسمبلی چناﺅ سے قبل ریاست میں مرکزی افواج کی آمد شروع

اسمبلی چناﺅ سے قبل ریاست میں مرکزی افواج کی آمد شروع کولکاتا21فروری :بنگال میں انتخابی بگل بج چکا ہے! اسمبلی انتخابات کی تاریخوں کے اعلان سے پہلے ہی ریاست میں مرکزی افواج کی آمد شروع ہو رہی ہے۔ یکم مارچ سے ہی ریاست میں نیم فوجی دستوں کی تعیناتی کر دی جائے گی۔ موصولہ معلومات کے مطابق، دو مرحلوں میں کل 480 کمپنی مرکزی افواج تعینات کی جائیں گی۔ وزارت داخلہ کی جانب سے ریاست کے چیف سکریٹری، ہوم سکریٹری اور ڈی جی پی کو بھیجے گئے خط کے مطابق 240 کمپنیاں پہنچیں گی، جن میں 110 سی آر پی ایف (CRPF)، 55 بی ایس ایف (BSF)، 21 سی آئی ایس ایف (CISF)، 27 آئی ٹی بی پی (ITBP) اور 27 ایس ایس بی (SSB) کمپنیاں شامل ہیں۔ دوسرا مرحلہ (10 مارچ) میںبقیہ 240 کمپنیاں آئیں گی، جن میں 120 سی آر پی ایف، 65 بی ایس ایف، 16 سی آئی ایس ایف، 20 آئی ٹی بی پی اور 19 ایس ایس بی کمپنیاں شامل ہوں گی۔ مرکزی افواج کا بنیادی کام مختلف علاقوں میں گشت کرنا، حساس بوتھوں پر ووٹروں کا اعتماد بڑھانا اور ای وی ایم (EVM) کی حفاظت کرنا ہوگا۔ نیم فوجی دستوں کے 9 سیکشنز میں سے 8 سیکشنز کو گشت اور سیکورٹی کے لیے استعمال کیا جائے گا، جبکہ 1 سیکشن کو 'کوئیک ریسپانس ٹیم' (QRT) کے طور پر رکھا جائے گا تاکہ کسی بھی ہنگامی صورتحال سے نمٹا جا سکے۔سی آر پی ایف کے ویسٹ بنگال سیکٹر کے آئی جی سنجے یادو کو ان افواج کا کوآرڈینیٹر مقرر کیا گیا ہے۔ ریاست کو ان دستوں کی رہائش اور نقل و حمل کے انتظامات کرنے کی ہدایت دی گئی ہے۔

Source: Social Media