امتحان میں پاس، کلکتہ میں ڈرائیور کے بغیر چلے گی میٹرو…

امتحان میں پاس، کلکتہ میں ڈرائیور کے بغیر چلے گی میٹرو… کامیاب معائنہ۔ اب کمشنر آف ریلوے سیفٹی (سی آر ایس) کی منظوری ملتے ہی کلکتہ میں ڈرائیور کے بغیر میٹرو مسافروں کو لے کر دوڑے گی۔ تاہم یہ سروس ابتدائی طور پر گرین لائن یعنی ہاوڑہ میدان – سیکٹر فائیو روٹ پر شروع ہونے کا امکان ہے۔ گزشتہ اتوار کو دوپہر میں ڈرائیور کے بغیر ہاوڑہ میدان سے سالٹ لیک سیکٹر 5 تک ڈرائیور لیس میٹرو کا تجرباتی دور اور حفاظتی معائنہ کامیابی سے مکمل ہوا۔ کمشنر آف ریلوے سیفٹی نے زیر آب سرنگ سمیت پوری روٹ پر ہنگامی صورتحال میں ٹرین آپریشن کے مختلف پہلووں کا جائزہ لیا اور یہ کامیابی سے ہوا۔ اب صرف منظوری کا انتظار ہے۔ میٹرو ذرائع کے مطابق، پورا روٹ کمیونیکیشن پر مبنی ٹرین کنٹرول (سی بی ٹی سی) سگنلنگ ٹیکنالوجی پر منحصر ہے۔ یہاں تک کہ گنگا کے نیچے 520 میٹر کی سرنگ کو صرف 45 سیکنڈ میں عبور کرنے کا معاملہ بھی تجربے میں کامیاب رہا۔ میٹرو ذرائع نے مزید بتایا کہ اب کمشنر آف ریلوے سیفٹی کی باضابطہ سبز اشارے ملتے ہی ڈرائیور کے بغیر میٹرو سروس مکمل طور پر مسافروں کے ساتھ شروع کر دی جائے گی۔ اتوار کو ایک بار ایک ریک ہاوڑہ میدان سے سیکٹر فائیو تک چلی۔ وہاں ڈرائیور کی مدد کے بغیر میٹرو چلی لیکن کیبن میں ڈرائیور موجود تھے، ساتھ ہی دیگر افسران بھی تھے۔

Source: Social Media