امیت شاہ نے ایس آئی آر میں بے نام لوگوں کے مستقبل پر خاموشی اختیار کر لی

کولکاتا28مارچ : بنگال کی انتخابی تپش کافی بڑھ چکی ہے۔ ہفتہ کو کولکتہ پہنچ کر مرکزی وزیر داخلہ امت شاہ نے برسراقتدار جماعت ترنمول کانگریس کے خلاف مختلف مسائل پر مشتمل ایک طویل چارج شیٹ پیش کی۔ شاہ نے اسے ’عوامی چارج شیٹ‘ قرار دیا۔ تاہم، انتخابی مہم کے دوران ترنمول کی مخالفت کرتے ہوئے وزیر داخلہ نے شائستگی کی حدود پار کر دیں۔ ریاست کی وزیر اعلیٰ اور ترنمول سپریمو کے بارے میں ان کا دھماکہ خیز تبصرہ تھا: ”ووٹ آتے ہی وہ (ممتا بنرجی) وکٹم کارڈ کھیلتی ہیں۔ اب لوگ ان کے اس وکٹم کارڈ کے کھیل کو سمجھ چکے ہیں۔“ ایس آئی آر کے حوالے سے کیرالہ اور تمل ناڈو جیسی اپوزیشن کی حکومت والی ریاستوں کی مثال دیتے ہوئے شاہ نے الزام لگایا، ”صرف بنگال میں ترنمول نے ایس آئی آر کی مخالفت کی ہے۔ یہاں ووٹرز کے انتخاب کے لیے ججوں کو ذمہ داری دی گئی ہے، ایسا کہیں اور نہیں ہو رہا۔“ لیکن دوسری ضمنی فہرست میں بھی جن لوگوں کے نام ابھی تک نہیں آئے، ان کے مستقبل کا کیا ہوگا، اس پر وزیر داخلہ نے ایک لفظ بھی نہیں کہا۔

Source: PC- sangbadpratidin