آلو اب باہر بھیجے جاسکتے ہیں: شوبھیندو ادھیکاری

مغربی بنگال کے وزیر اعلیٰ کے طور پر آج قانون ساز اسمبلی میں شبھیندو ادھیکاری نے حلف اٹھایا۔ حلف برداری کے بعد انہوں نے نبنا (سیکریٹریٹ) میں پہلی انتظامی میٹنگ کی۔ میٹنگ کے بعد انہوں نے کئی اہم انتظامی فیصلوں کا اعلان کیا ہے۔سی بی آئی کے چار مقدمات میں ملوث سرکاری افسران کے خلاف سابقہ حکومت نے اب تک قانونی کارروائی کی اجازت نہیں دی تھی۔ آج شبھیندو ادھیکاری کی حکومت نے تین محکموں کے ملزم افسران کے خلاف سی بی آئی کو ضروری منظوری دینے کا فیصلہ کیا ہے۔ وزیر اعلیٰ نے واضح کیا کہ ادارہ جاتی بدعنوانی کے خلاف ان کی حکومت 'زیرو ٹالرنس' کی پالیسی پر چلے گی۔ انہوں نے کہا، "آپ چند دنوں میں ہی اس کا اثر دیکھ سکیں گے۔"زرعی اور حیوانی مصنوعات کو ایک ریاست سے دوسری ریاست بھیجنے میں پہلے جو مشکلات پیش آتی تھیں، انہیں ختم کرنے کا حکم دیا گیا ہے۔ کسی بھی بین ریاستی سرحد پر کسانوں کی مصنوعات کی سپلائی میں اب کوئی رکاوٹ یا ہراسانی برداشت نہیں کی جائے گی۔تِلجلہ میں آگ لگنے کے واقعے پر انکوائری کمیٹی کی رپورٹ ملنے کے بعد وزیر اعلیٰ نے بتایا کہ جس فیکٹری میں آگ لگی تھی اس کا کوئی 'بلڈنگ پلان' موجود نہیں تھا۔ٓٓٓاس واقعے میں اب تک دو افراد کو گرفتار کیا جا چکا ہے۔ سیکریٹری بجلی کے ذریعے سی ای ایس سی کو ہدایت دی گئی ہے کہ تمام غیر قانونی فیکٹریوں کے بجلی کے کنکشن کاٹ دیے جائیں۔ مزید برآں، کولکتہ میونسپل کارپوریشن کو ایسی تعمیرات کے پانی کے کنکشن کاٹنے کی بھی ہدایت دی گئی ہے۔

Source: PC-tv9bangla