اگر ہر وقت ایجنسیوں کا خوف دکھایا جائے گا، تو لوگ کاروبار کیسے کریں گے؟‘، تجارتی کانفرنس میں ممتا کا مرکز پر نشانہ

کولکاتا18دسمبر: صنعت دوست بنگال میں ریاستی حکومت تاجروں کے ساتھ کھڑی ہے۔ جمعرات کو دھنودھانیا آڈیٹوریم میں منعقدہ تجارتی کانفرنس (Business Conclave) کے اسٹیج سے وزیر اعلیٰ ممتا بنرجی نے ریاست کی صنعتی کامیابیوں کی تفصیلات پیش کرتے ہوئے اس کا ثبوت دیا۔ تاہم، انہوں نے الزام لگایا کہ مرکزی حکومت تاجروں کے کام میں رکاوٹیں ڈالنے کی کوشش کر رہی ہے۔ ممتا بنرجی کا دعویٰ ہے کہ سی بی آئی (CBI) اور ای ڈی (ED) جیسی مرکزی ایجنسیوں کو ہتھیار بنا کر تاجروں کو خوفزدہ کیا جا رہا ہے۔ وہ پہلے بھی کئی بار یہ الزام لگا چکی ہیں کہ مرکز ان تحقیقاتی ایجنسیوں کے ذریعے بنگال میں خوف کا ماحول پیدا کرنا چاہتا ہے۔ بھرتی بدعنوانی سمیت مختلف مقدمات میں لیڈروں اور وزراءکی گرفتاریوں کے پیچھے بھی وہ سیاسی سازش قرار دیتی رہی ہیں۔اب ان کا کہنا ہے کہ ریاست میں صنعتی ترقی کو روکنے کے لیے مرکز نے تاجروں کو 'ٹارگٹ' کر رکھا ہے۔ ممتا بنرجی نے خطاب کے دوران کہا:"تاجروں کو ایجنسیوں کے ذریعے ڈرایا دھمکایا جا رہا ہے۔ اگر ہر وقت انہیں ایجنسیوں کا خوف دکھایا جائے گا، تو وہ سکون سے کاروبار کیسے کریں گے؟انہوں نے واضح کیا کہ ایک صحت مند تجارتی ماحول کے لیے ضروری ہے کہ سرمایہ کاروں اور صنعت کاروں کو سیاسی دباو سے آزاد رکھا جائے۔

Source: PC- sangbadpratidin