آندھی طوفان کے بعد اب شہر میں گرمی بڑھنے کا امکان

علی پور محکمہ موسمیات کی تازہ ترین پیش گوئی کے مطابق، جنوبی بنگال میں کالبیساکھی اور آندھی و بارش کا زور کم ہونے کے بعد اب گرمی بڑھنے کا امکان ہے۔ آنے والے چند دنوں میں درجہ حرارت میں نمایاں اضافہ عوامی زندگی میں بے چینی بڑھا سکتا ہے۔ اگلے 24 گھنٹوں کے بعد سے اگلے چار دنوں میں جنوبی بنگال کے اضلاع میں درجہ حرارت 5 سے 7 ڈگری سیلسیس تک بڑھ سکتا ہے۔ پیر سے مغربی پانچ اضلاع— مغربی مدنی پور، جھاڑگرام، پورولیا، بانکوڑا اور مغربی بردھوان میں گرم اور مرطوب موسم کی وارننگ جاری کی گئی ہے۔ہیٹ ویو کے خدشے کے درمیان جمعہ کو شمالی و جنوبی 24 پرگنہ، مشرقی و مغربی مدنی پور اور جھاڑگرام میں ہلکی بارش کا معمولی امکان ہے۔کولکتہ اور گرد و نواح میں فی الحال خشک اور دھوپ والا موسم رہے گا۔ پیر تک یہاں کوئی خاص وارننگ نہیں ہے۔ جنوبی بنگال میں گرمی بڑھنے کے باوجود شمالی بنگال میں اتوار تک آندھی اور بارش کا امکان برقرار ہے۔ دارجلنگ، کالمپونگ، جلپائی گوڑی، علی پور دوار اور کوچ بہار میں گرج چمک کے ساتھ ہلکی بارش اور 30-40 کلومیٹر کی رفتار سے تیز ہوائیں چل سکتی ہیں۔اتوار کے بعد شمالی بنگال میں بھی بارش کا الرٹ ختم ہو جائے گا اور وہاں بھی درجہ حرارت میں 5 سے 7 ڈگری کا اضافہ ہو سکتا ہے۔

Source: PC-anandabazar