یووا ساتھی لکشمی بھنڈارکے فارم کی تقسیم کے دوران شدید افراتفری

ہوگلی کے آرام باغ بی ڈی اوآفس میں اس وقت شدید افراتفری اور بد نظمی دیکھنے میں آئی جب 'یووا ساتھی'، 'لکشمی بھنڈار' اور بے زمین افراد کے لیے فارم کی تقسیم شروع ہوئی۔ فارم حاصل کرنے کے لیے ہزاروں لوگوں کی بھیڑ امڈ پڑی، جس کے نتیجے میں دھکم پیل اور فارم چھیننے کی نوبت آگئی۔ ہجوم اتنا زیادہ تھا کہ لوگوں کا دم گھٹنے لگا اور کئی افراد کی طبیعت بگڑ گئی۔ مقامی پولیس کی ابتدائی نفری صورتحال کو قابو کرنے میں ناکام رہی، جس کے بعد پولیس کی اضافی نفری اور سیوک رضاکاروں کو میدان میں اترنا پڑا۔ آخر کار پولیس اور سیوک رضاکاروں نے خود اپنے ہاتھوں سے فارم تقسیم کرنا شروع کیے۔ انتظامیہ کی جانب سے مائیک پر یہ اعلان بھی کیا گیا کہ مستقبل میں یہ فارم متعلقہ پنچایت دفاتر سے دستیاب ہوں گے، تاکہ بی ڈی او آفس پر دباو کم ہو سکے، لیکن اس کے باوجود لوگوں کی جلد بازی اور افراتفری کم نہ ہوئی۔ ایک شہری نے بتایا کہ لوگ لائن توڑ کر اندر گھس رہے تھے اور پولیس کے لیے بھی انہیں سنبھالنا مشکل ہو رہا تھا۔

Source: PC- tv9bangla