وقت نہیں دے پا رہا ہوں‘، ترنمول لیڈر کا استعفیٰ، بالا گڑھ میں سیاسی ہلچل

ہگلی: اسمبلی انتخابات سے عین قبل ترنمول کانگریس کے ایک اہم لیڈر کے استعفیٰ نے پارٹی کے اندرونی حلقوں میں کھلبلی مچا دی ہے۔ ضلع ہگلی کے بالا گڑھ بلاک کے جیراٹ علاقے کے صدر دیباشیش سرکار نے اپنے عہدے سے استعفیٰ دے دیا ہے اور اپنا استعفیٰ نامہ ضلع صدر کو بھیج دیا ہے۔ دیباشیش سرکار جیراٹ گرام پنچایت کے رکن بھی ہیں۔ پنچایت انتخابات کے بعد ان کے پردھان بننے کی کافی چرچا تھی، لیکن ان کی جگہ تپن داس کو پردھان بنایا گیا تھا۔ چند ماہ قبل تپن داس کے انتقال کے بعد، تقریباً ایک ماہ پہلے ہی دیباشیش کو ریجنل صدر کی ذمہ داری دی گئی تھی۔ اب اچانک سوشل میڈیا پر ان کا استعفیٰ وائرل ہونے سے کئی سوالات کھڑے ہو گئے ہیں۔دیباشیش سرکار نے اپنے استعفیٰ نامے میں لکھا ہے کہ انہوں نے ضلع صدر ارندم گوئن اور اسیما پاترا کی درخواست پر یہ ذمہ داری سنبھالی تھی، لیکن فی الحال ان کے لیے پارٹی کاموں کو وقت دینا ممکن نہیں ہے، اس لیے وہ عہدے سے دستبردار ہو رہے ہیں۔

Source: PC- tv9bangla