ووٹر لسٹ میں نام نہ ہونے اور بوتھ سلپ نہ ملنے پر بوڑھی خاتون نے خودکشی کر لی

ہگلی: ووٹر لسٹ میں نام شامل نہ ہونے اور انتخابی سلپ نہ ملنے کے خوف نے ایک اور جان لے لی۔ گھر میں صرف بیٹے اور بہو کے نام کی انتخابی سلپ آئی تھی، جس کے بعد 65 سالہ معمر خاتون شدید خوف کا شکار ہو گئیں کہ شاید انہیں 'بنگلہ دیشی' قرار دے کر ملک سے نکال دیا جائے گا۔ اسی دہشت کے عالم میں انہوں نے انتہائی قدم اٹھا لیا۔ واقعہ ہگلی کے داد پور تھانہ علاقے کا ہے۔ آج صبح بانس کے باغ سے خاتون کی لٹکتی ہوئی لاش برآمد ہوئی۔ متوفیہ کی شناخت روی ماجھی (65) کے طور پر ہوئی ہے۔ اہل خانہ کا دعویٰ ہے کہ جب سے انتخابی عملہ گھر میں سلپ دے کر گیا اور لسٹ میں ان کا نام نہیں ملا، وہ مسلسل اسی فکر میں تھیں کہ اب ان کا کیا ہوگا۔ خاندان کا الزام ہے کہ شہریت چھن جانے اور بے دخلی کے خوف نے انہیں خودکشی پر مجبور کیا۔ پولیس نے لاش کو تحویل میں لے کر تفتیش شروع کر دی ہے۔

Source: PC-sangbadpratidin