ووٹ کےلئے سی پی ایم امیدوار بھگوان کے شرن میں

مغربی بنگال کے 2026 کے اسمبلی انتخابات کے پیشِ نظر، سی پی آئی ایم کی روایتی انتخابی مہم میں ایک غیر متوقع تبدیلی دیکھنے کو ملی ہے۔ رام نومی کے موقع پر، سلی گڑی سے بائیں بازو کے حمایت یافتہ سی پی آئی ایم امیدوار شردیندو چکرورتی مہم کے دوران سیدھے رام مندر پہنچ گئے۔ گلے میں مالا پہنے اور ہاتھ جوڑ کر دعا مانگتے ہوئے انہوں نے عوامی رابطہ مہم چلائی۔ عام طور پر بائیں بازو کے امیدواروں کو مندروں یا مذہبی تقاریب میں مہم چلاتے ہوئے نہیں دیکھا جاتا۔ تاہم، سلی گڑی کے سی پی آئی ایم امیدوار کا مندر جا کر پوجا کرنا سیاسی حلقوں میں بحث کا موضوع بن گیا ہے۔ صرف سلی گڑی ہی نہیں، بلکہ حال ہی میں متواووٹوں کو یقینی بنانے کے لیے سی پی آئی ایم لیڈر سجن چکرورتی اور میناکشی مکھرجی نے بھی بن گاوں کے ٹھاکر باڑی کا دورہ کیا تھا۔ سیاسی تجزیہ کاروں کے مطابق، بائیں بازو کی جماعت اب ووٹروں کا دل جیتنے کے لیے خود کو کسی خاص نظریاتی دائرے تک محدود نہیں رکھنا چاہتی۔سلی گڑی سے ترنمول کانگریس کے امیدوار گوتم دیو نے بھی مہم کے دوران 'جے شری رام' کے نعرے لگائے ہیں۔ یوں رام نومی کے موقع پر سلی گڑی میں بائیں اور دائیں، دونوں ہی بازووں کے امیدوار 'ایشور کی پناہ' میں نظر آ رہے ہیں۔ سی پی آئی ایم امیدوار کے مندر جانے کو بہت سے لوگ "انتخابی مجبوری" قرار دے رہے ہیں، جبکہ کچھ اسے وقت کے ساتھ بدلتی ہوئی حکمت عملی کے طور پر دیکھ رہے ہیں۔

Source: PC- sangbadpratidin