ونیت گوئل کو حال ہی میں عہدے سے ہٹا دیا گیا تھا۔ جونیئر ڈاکٹروں کے مطالبات کے بعد وزیر اعلیٰ ممتا بنرجی نے خود انہیں پولیس کمشنر کے عہدے سے ہٹانے کا اعلان کیا۔ منگل کو ان کا تبادلہ ریاستی پولیس ایس ٹی ایف کے اے ڈی جی کے عہدے پر کیا گیا۔ پھر بھی سابق پولیس کمشنر ونیت گوئل کی پریشانی دور نہیں ہوئی۔ کلکتہ ہائی کورٹ نے ان کے خلاف دائر مقدمہ پر روک لگا دی۔ونیت گوئل معاملے میں عدالت سی بی آئی سے جاننا چاہتی ہے۔ سی بی آئی نے ہائی کورٹ میں رپورٹ پیش کی۔ اس کے ساتھ ہی تلوتما کی تصویر کے استعمال اور تبصرہ کرنے کے الزامات کی تحقیقات کی اسٹیٹس رپورٹ کلکتہ ہائی کورٹ میں پیش کی گئی۔ سی بی آئی نے آج یہ رپورٹ ہائی کورٹ کے چیف جسٹس ٹی ایس شیوگنم کو سونپی۔درخواست گزار کی جانب سے ایڈوکیٹ مہیش جیٹھ ملانی نے ونیت گوئل کے خلاف الزامات عائد کئے۔ انہوں نے بتایا کہ ونیت گوئل نے خود متاثرہ کا نام لیا تھا۔ انہوں نے استدعا کی کہ ایف آئی آر درج کرنے کا حکم دیا جائے۔ اس کیس کو سپریم کورٹ بھیجنے کا مطالبہ بھی کیا گیا ہے۔ وکیل کا سوال، آپ اعلیٰ عہدے پر رہ کر بھی متاثرہ کا نام کیسے بتا سکتے ہیں؟ جیٹھ ملانی نے سابق پولیس کمشنر سے جواب طلب کرنے کی درخواست کی۔

Source: Mashriq News service