یوپی کے شوٹر اجئے پال کی موجودگی کے باوجود 77بوتھوں پر دوبارہ پولنگ کی درخواست

جنوبی 24 پرگنہ کے پولنگ مبصر اور اتر پردیش کے 'سنگھم' کہلانے والے افسر اجے پال شرما کی موجودگی کے باوجود، الیکشن کمیشن کو 77 بوتھس پر دوبارہ پولنگ کی درخواست موصول ہوئی ہے۔ یہ تمام بوتھس جنوبی 24 پرگنہ کی چار اسمبلی نشستوں کے تحت آتے ہیں۔کمیشن کے ذرائع کے مطابق، ان شکایات پر حتمی فیصلہ لینے کے لیے آج، جمعرات کو ایک اہم اجلاس طلب کیا گیا ہے۔ اگر شکایات درست پائی گئیں، تو یکم مئی کو ان بوتھس پر دوبارہ ووٹنگ کا حکم جاری کیا جا سکتا ہے۔مجموعی طور پر 77 بوتھس سے دھاندلی کی شکایات موصول ہوئی ہیں، جن میں سے زیادہ تر ریاست کی اہم اپوزیشن جماعت بی جے پی کی جانب سے درج کرائی گئی ہیں۔دھاندلی کے عجیب و غریب طریقے کمیشن کو موصول ہونے والی شکایات میں ای وی ایم کے ساتھ چھیڑ چھاڑ کے کئی انوکھے الزامات لگائے گئے ہیں۔انتخابات کے آخری لمحات میں مگراہاٹ ویسٹ سے ایک انتہائی سنگین شکایت سامنے آئی ہے۔ الزام ہے کہ چند ووٹرز کی قمیض کی جیب میں اسپائی کیمرہ چھپایا گیا تھا تاکہ یہ دیکھا جا سکے کہ وہ کس پارٹی کو ووٹ دے رہے ہیں۔ کمیشن نے اس معاملے کی فوری رپورٹ طلب کر لی ہے۔پہلے مرحلے کی 152 نشستوں پر ایک بھی بوتھ سے دوبارہ پولنگ کا مطالبہ نہیں کیا گیا تھا۔ لیکن دوسرے مرحلے میں، خاص طور پر اس ضلع میں جہاں اجے پال شرما جیسے سخت گیر افسر تعینات تھے، اتنی بڑی تعداد میں شکایات کا آنا سیاسی حلقوں میں بحث کا موضوع بن گیا ہے۔الیکشن کمیشن ان تمام بوتھس کی ویڈیو فوٹیج اور ڈائری کا معائنہ کر رہا ہے تاکہ دودھ کا دودھ اور پانی کا پانی ہو سکے۔

Source: PC-anandabazar