مرکزی وزیر داخلہ امیت شاہ جمعہ کی رات کولکتہ پہنچ رہے ہیں

مرکزی وزیر داخلہ امیت شاہ جمعہ کی رات کولکتہ پہنچ رہے ہیں، جہاں وہ ہفتہ کو ممتا بنرجی کی قیادت والی ترنمول کانگریس حکومت کے خلاف ایک باضابطہ 'چارج شیٹ' پیش کریں گے۔ ہفتہ کی دوپہر تقریباً 12 بجے نیو ٹاون کے ایک فائیو اسٹار ہوٹل میں امیت شاہ پریس کانفرنس کریں گے۔ اس پروگرام کے فوراً بعد ان کی دہلی واپسی متوقع ہے۔بی جے پی ذرائع کے مطابق، اس دستاویز میں ریاستی حکومت کی "ناکامیوں" کا کچا چٹھا کھولا جائے گا، جس میں درج ذیل موضوعات شامل ہو سکتے ہیں: ریاست میں حالیہ برسوں میں سامنے آنے والے مختلف مالی اور انتظامی گھپلے۔تعلیم اور صحت کے شعبوں کی مبینہ بدحالی۔ روزگار کی کمی اور ریاست کی معاشی صورتحال۔ ریاستی سرکاری ملازمین کے لیے مہنگائی الاونس اور ساتویں تنخواہ کمیشن کے نفاذ میں تاخیر۔امن و امان اور انتظامی سطح پر مبینہ ناکامیاں۔مغربی بنگال اسمبلی انتخابات 2026 کے پیش نظر امیت شاہ کا یہ 'جھٹکا سفر' (مختصر دورہ) سیاسی طور پر انتہائی اہمیت کا حامل مانا جا رہا ہے۔

Source: PC- sangbadpratidin