ترنمول لیڈروںکا جھکاﺅ بی جے پی کی طرف

پورولیا بس اسٹینڈ کے علاقے میں راتوں رات بدلتی ہوئی سیاسی وفاداریوں نے شدید کشیدگی پیدا کر دی ہے۔ ریاست میں اقتدار کی تبدیلی کے فوراً بعد ترنمول کانگریس کے کچھ لیڈروں اور کارکنوں کے بی جے پی کی طرف اس اچانک جھکاو نے ایک نئی بحث چھیڑ دی ہے۔ پورولیا بس اسٹینڈ کے علاقے میں بی جے پی کے زیر اثر مزدور تنظیم 'بھارتیہ جنتا مزدور سنگھ' کے نام سے کئی بینرز اور پوسٹرز لگائے گئے۔ حیرت انگیز طور پر ان پوسٹرز میں نئے وزیر اعلیٰ شوبھیندو ادھیکاری کو مبارکباد دی گئی ہے اور وہاں مقامی طور پر معروف ٹی ایم سی لیڈروں کے نام اور تصاویر استعمال کی گئی ہیں۔معاملہ سامنے آتے ہی مقامی بی جے پی کارکنوں کا غصہ پھوٹ پڑا۔ ان کا دعویٰ ہے کہ یہ پوسٹرز مرکزی قیادت کو اندھیرے میں رکھ کر لگائے گئے ہیں۔ مشتعل کارکنوں نے ان پوسٹرز اور بینرز کو پھاڑ دیا۔ ضلع بی جے پی کے عہدیداروں کے مطابق، ریاست میں اقتدار کھونے کے بعد 'اپنی جان بچانے' اور تحقیقات یا قانونی پیچیدگیوں سے بچنے کے لیے یہ ٹی ایم سی لیڈر راتوں رات بی جے پی کی پناہ لینے کی کوشش کر رہے ہیں۔ انہوں نے واضح کیا ہے کہ ان لیڈروں کے لیے بی جے پی میں کوئی جگہ نہیں ہوگی۔ان متنازع پوسٹرز یا وفاداری کی تبدیلی کے حوالے سے ترنمول کانگریس کی جانب سے اب تک کوئی باضابطہ ردعمل سامنے نہیں آیا ہے۔ پورولیا بس اسٹینڈ کے علاقے میں ابھی بھی تناو¿ برقرار ہے۔ پولیس اور مقامی انتظامیہ صورتحال پر نظر رکھے ہوئے ہے۔ بی جے پی کا ایک طبقہ ان لیڈروں کے اس اقدام کو 'موقع پرستی' قرار دے رہا ہے۔

Source: PC-anandabazar