ترنمول کانگریس کسی اپوزیشن لیڈر منتخب کرے گی

مغربی بنگال کے انتخابی نتائج میں عبرتناک شکست کے بعد اب ترنمول کانگریس میں اپوزیشن لیڈر کے انتخاب کی تیاریاں شروع ہو گئی ہیں۔ 15 سال تک حکومت کرنے کے بعد اب ممتا بنرجی کی پارٹی کو اسمبلی میں حزبِ اختلاف کی نشستوں پر بیٹھنا ہوگا۔ممتا بنرجی نے بدھ کی شام 4 بجے اپنے گھر پر تمام نو منتخب ایم ایل ایز کا اجلاس طلب کیا ہے۔ اس اجلاس کا بنیادی مقصد اسمبلی میں اپوزیشن لیڈر کا انتخاب کرنا ہے۔ اس عہدے کے لیے اروب بسواس، فرہاد حکیم اور چندریما بھٹاچاریہ جیسے تجربہ کار رہنماوں کے ناموں پر غور کیا جا رہا ہے۔ بی جے پی کی 207 نشستوں کے ساتھ شاندار جیت کے بعد، ٹی ایم سی کے لیے اسمبلی میں اپوزیشن کا کردار کافی چیلنجنگ ہوگا۔ ممتا بنرجی اس اجلاس کے ذریعے شکست کے بعد پارٹی کارکنوں کا حوصلہ بڑھانے اور نئی حکمت عملی طے کرنے کی کوشش کریں گی۔بنگال کی سیاست میں اس بڑی تبدیلی کے بعد اب سب کی نظریں اس بات پر ہیں کہ اسمبلی میں بی جے پی حکومت کے سامنے ٹی ایم سی کا چہرہ کون ہوگا۔

Source: PC-sangbadpratidin