شوبھندو ادھیکاری کے مدد کرنے کے اعلان سے پرولیا کے چھ خاندان کو راحت ملی

مغربی بنگال کے نئے وزیر اعلیٰ شوبھیندو ادھیکاری کے ایک بڑے اعلان نے پورولیا کے ان 6 خاندانوں کو سکون بخشا ہے جنہوں نے سیاسی تشدد میں اپنے پیاروں کو کھویا تھا۔وزیر اعلیٰ شوبھیندو ادھیکاری نے حلف برداری کے 48 گھنٹوں کے اندر اعلان کیا ہے کہ ریاست میں سیاسی تشدد کا شکار ہونے والے بی جے پی کے 321 کارکنوں اور حامیوں کے خاندانوں کی ذمہ داری اب ریاستی حکومت اٹھائے گی۔ اس فہرست میں پورولیا کے 6 خاندان بھی شامل ہیں۔ بی جے پی کے ریاستی کمیٹی کے رکن ویویک رانگا نے واضح کیا ہے کہ پورولیا کے بلرام پور میں ہونے والے تریلوچن مہاتو اور دولال کمار کے قتل کے کیسز دوبارہ کھولے جائیں گے اہل خانہ نے ان ہلاکتوں میں ملوث افراد کے لیے پھانسی کی سزا اور سی بی آئی تحقیقات کا مطالبہ کیا ہے۔ انہوں نے جذباتی انداز میں کہا کہ ان کے بیٹے کو بے رحمی سے درخت سے لٹکا کر مار دیا گیا تھا۔ 8 سال بعد بی جے پی حکومت کے اس فیصلے سے انہیں ایسا محسوس ہو رہا ہے جیسے اب حقیقی آزادی ملی ہو۔ انہوں نے کہا کہ گزشتہ 8 سال ان کے لیے انتہائی تکلیف دہ رہے ہیں، لیکن حکومت کی جانب سے خاندان کی ذمہ داری لینے کے اعلان سے انہیں دلی خوشی اور اطمینان ملا ہے۔

Source: PC-sangbadpratidin