ریاست بھر کی گرلز اسکولوں میں سینیٹری نیپکن وینڈنگ مشینیں

عالمی حیض صحت و صفائی کے دن پر ایک انقلابی فیصلہ۔ مغربی بنگال کی نئی حکومت ہر گرلز اسکول میں سینیٹری نیپکن وینڈنگ مشینیں لگانے جا رہی ہے۔ جمعرات کو عالمی حیض صحت و صفائی کے دن ریاستی خواتین و اطفال بہبود کی وزیر اگنیمترا پال نے بتایا کہ نئی حکومت بنگال کی بہنوں کے ساتھ ہر طرح سے مدد کے لیے تیار ہے۔ کام کی جگہوں، اسکولوں، کالجوں میں حفاظت فراہم کرنے کے ساتھ ساتھ نئی حکومت خواتین کے روزمرہ آرام پر بھی توجہ دے گی۔ اس کے لیے بلیو پرنٹ بھی تیار کر لیا گیا ہے۔ ملک کے شہری ترقی کے وزیر منوہر لال کھٹر 30 تاریخ کو کلکتہ آ رہے ہیں۔ بنگال میں نئی حکومت بننے کے بعد پہلی بار مرکزی شہری ترقی کے وزیر قدم رکھ رہے ہیں۔ ان کے سامنے ریاستی وزیر اگنیمترا پال خواتین کی ترقی سے متعلق ایک فائل پیش کریں گی۔ لیکن اس فائل میں کیا ہے؟ وزیر نے بتایا کہ ایک اقدام اٹھایا گیا ہے۔ جس کے تحت ہر لڑکیوں کے اسکول میں سینیٹری نیپکن وینڈنگ مشینیں لگائی جائیں گی۔ لڑکیوں اور لڑکوں کے لیے ہر اسکول میں اپرے ایشنل ٹوائلٹ بنائے جائیں گے۔ عام بیت الخلا نہیں۔ اس قسم کے بیت الخلا میں پانی کا کافی انتظام، ہینڈ واش، خواتین کے لیے سینیٹری نیپکن ڈسپنسر مشین اور پیڈ انسینیٹریٹر مشین ہوگی۔ جس کے ذریعے استعمال شدہ سینیٹری پیڈ کو فوری طور پر تلف کیا جا سکے گا۔ اس سلسلے میں وزیر اگنیمترا پال نے مزید بتایا کہ بنگال کی لڑکیوں کے لیے یہ ہماری نئی حکومت کا عہد ہے۔ پہلے ہی ایک نئے سروے میں دیکھا گیا ہے کہ 75 فیصد خواتین نے بتایا کہ اگر اچانک حیض شروع ہو جائے اور پیڈ نہ ہو تو انہیں پریشانی ہوتی ہے۔ 90 فیصد خواتین چاہتی ہیں کہ بیت الخلائ میں سینیٹری پیڈ موجود ہو۔ وزیر کے اس اعلان پر خواتین خوش ہیں۔ واضح رہے کہ ریاست میں تبدیلی کے بعد شودیندر ادھیکاری حکومت نے خواتین کی حفاظت پر خاص زور دیا ہے۔ خاص طور پر خواتین کی حفاظت کے پیش نظر پہلے ہی کئی اقدامات اٹھائے جا چکے ہیں۔ اب خواتین کی صحت کی حفاظت پر بھی حکومت کی خصوصی توجہ ہے۔

Source: PC-sangbadpratidin