جنوبی بنگال کے آٹھ اضلاع میں کال بیساکھی کا امکان ، انتہائی شدید بارش کے ساتھ مانسون داخل ہورہا ہے

شمالی بنگال میں مانسون پہلے ہی داخل ہو چکا ہے۔ جنوبی بنگال کے اضلاع میں مانسون کا داخلہ بھی صرف وقت کی بات ہے۔ اگر حالات سازگار رہے تو اگلے تین سے چار دنوں میں جنوبی بنگال اور ہمسایہ بہار، جھارکھنڈ و اوڈیشہ میں بھی جنوب مغربی مانسون ہوائیں داخل ہو جائیں گی۔ 9 جون کو شمالی بنگال میں مانسون داخل ہوا تھا۔ اگلے چند دنوں میں شمالی اضلاع میں شدید سے انتہائی شدید بارش کا امکان ہے۔ ساتھ میں طوفانی ہوائیں بھی چل سکتی ہیں۔ جمعرات کو جلپائیگڈی اور علی پور دوار میں شدید سے انتہائی شدید بارش ہو سکتی ہے۔ شمالی بنگال کے دیگر مقامات پر بھی شدید بارش کا امکان ہے۔ ساتھ میں 40-50 کلومیٹر فی گھنٹہ کی رفتار سے تیز ہواوں اور گرج چمک کا امکان ہے۔ جمعہ کو بھی جلپائیگڈی، علی پور دوار اور کوچ بہار میں شدید بارش ہو سکتی ہے۔ دوسری طرف جنوبی بنگال کے اضلاع میں بھی بکھری ہوئی ہلکی سے درمیانی بارش کی پیشن گوئی ہے۔ جمعرات کو جنوبی اضلاع میں 50-60 کلومیٹر فی گھنٹہ کی رفتار سے طوفانی ہوائیں چل سکتی ہیں۔ کال بے شکھی (آندھی) ہو سکتی ہے۔ بانکڑا، مشرقی و مغربی بردوان، پورولیا، ہوگلی، مشرقی و مغربی مدنا پور اور جھاڑگرام میں کال بے شکھی ہو سکتی ہے۔ کولکاتہ اور جنوبی کے دیگر اضلاع میں بھی طوفانی ہوائیں چل سکتی ہیں۔ کولکاتہ میں ہوا کی رفتار 40-50 کلومیٹر فی گھنٹہ ہو سکتی ہے۔ جمعرات کی دوپہر کے بعد کولکاتہ میں گرج چمک کے ساتھ طوفان و بارش کا امکان ہے۔ جمعہ کو بھی جنوبی اضلاع میں 30-40 کلومیٹر فی گھنٹہ کی رفتار سے تیز ہوائیں چل سکتی ہیں۔ اگلے کچھ دنوں میں جنوبی بنگال کے اضلاع میں شدید بارش کا کوئی امکان نہیں ہے۔ تاہم پورے ہفتے بکھری ہوئی طوفانی بارش ہوگی۔ بارش کے دوران گرمی کی شدت سے عارضی آرام مل سکتا ہے۔ بارش رکنے کے بعد نمی کی وجہ سے بے چینی بڑھ سکتی ہے۔ اگلے دو دنوں میں جنوبی اضلاع میں گرمی کم ہونے کا کوئی امکان نہیں ہے۔ اس کے بعد کے تین دنوں تک گنگا کے مغربی بنگال میں درجہ حرارت 2-3 ڈگری سیلسیس کم ہو سکتا ہے۔ شمالی بنگال میں بھی دو دن کے بعد گرمی کچھ کم ہوگی۔ ان اضلاع میں بھی درجہ حرارت 2-3 ڈگری سیلسیس کم ہو سکتا ہے۔ اس کے بعد خاص تبدیلی کا امکان نہیں ہے۔

Source: PC-anandabazar