جنوبی بنگال میں کے نو اضلاع میں طوفان اور بارش کی پیشین گوئی

شدید گرمی میں جہاں کولکتہ کے لوگ راحت کی بارش کے انتظار میں تڑپ رہے ہیں، وہیں علی پور محکمہ موسمیات نے کولکتہ کے لیے کوئی خاص اچھی خبر نہیں سنائی ہے۔ تاہم کولکتہ اور اس کے قریبی اضلاع محروم رہیں گے، جبکہ جنوبی بنگال کے 9 اضلاع میں طوفان اور بارش کی پیشگوئی کی گئی ہے۔ کولکتہ میں فی الحال بڑے طوفان یا بارش کا کوئی امکان نہیں ہے۔ تیز دھوپ اور شدید گرمی کی وجہ سے دن میں باہر نکلنا مشکل ہو گیا ہے۔سستی راحت کے طور پر کہیں کہیں بہت معمولی بوندا باندی ہو سکتی ہے، لیکن اس سے گرمی کم نہیں ہوگی۔کولکتہ کے ساتھ ساتھ ہاوڑہ اور ہوغلی اضلاع کے لیے بھی بارش کا کوئی خاص الرٹ جاری نہیں کیا گیا ہے۔جمعہ سے ہی جنوبی بنگال کے 9 اضلاع میں گرج چمک کے ساتھ بارش کا الرٹ جاری کیا گیا ہے۔ یہ اضلاع درج ذیل ہیں— مغربی مدنی پور، جھاڑگرام، پورولیا، بانکورا، مشرقی بردھوان، مغربی بردھوان، بیربھوم، مرشد آباد اور ندیا۔ ان میں سے 4 اضلاع— مشرقی بردھوان، بیربھوم، مرشد آباد اور ندیا میں بارش کے ساتھ 50 سے 60 کلومیٹر فی گھنٹہ کی رفتار سے تیز ہوائیں چل سکتی ہیں۔ان اضلاع میں آنے والے جمعرات تک رک رک کر طوفان اور بارش کا یہ سلسلہ جاری رہے گا۔ جنوبی بنگال میں جہاں بارش کے لیے ہاہاکار مچی ہے، وہی شمالی بنگال کے اضلاع کے لیے راحت کی خبر ہے۔ محکمہ موسمیات کے مطابق شمالی بنگال کے اضلاع میں بھاری سے بہت بھاری بارش کا سلسلہ جاری رہے گا۔

Source: PC-sangbadpratidin