ایس آئی آر میں بنگال سے زیادہ تمل ناڈو میں نام کاٹے گئے

ریاست مغربی بنگال ہی نہیں، بلکہ ملک کی دیگر کئی ریاستوں میں بھی ووٹر لسٹوں کی خصوصی نظر ثانی کے بعد بڑے پیمانے پر نام خارج کیے گئے ہیں۔ اعداد و شمار کے مطابق، مغربی بنگال سے بھی زیادہ نام تمل ناڈو میں نکالے گئے ہیں، تاہم مجموعی طور پر اتر پردیش اس فہرست میں سرفہرست رہنے والا ہے۔ اتر پردیش میں ووٹر لسٹ کے مسودے سے ہی 2.89 کروڑ ووٹرز کے نام نکال دیے گئے ہیں۔ حتمی فہرست کی اشاعت کے بعد یہ تعداد مزید بڑھنے کا امکان ہے، جو کسی بھی دوسری ریاست کے مقابلے میں کہیں زیادہ ہے۔تمل ناڈو میں بھی مغربی بنگال کی طرح اسمبلی انتخابات ہونے والے ہیں۔یہاں کل 97.37 لاکھ ووٹرز کے نام نکالے گئے ہیں۔ ایس آئی آر سے پہلے ووٹرز کی تعداد 6.41 کروڑ تھی جو اب کم ہو کر 5.67 کروڑ رہ گئی ہے۔یہاں مجموعی طور پر 90 لاکھ 83 ہزار 345 نام خارج ہوئے ہیں۔ پہلے ووٹرز کی تعداد 7.66 کروڑ تھی جو اب 6.77 کروڑ ہے۔مغربی بنگال کے ساتھ دوسرے مرحلے میں کل 9 ریاستوں اور 3 مرکز کے زیرِ انتظام علاقوں میں ایس آئی آر کا عمل مکمل ہوا۔گجرات میں ان 9 ریاستوں کے مقابلے میں سب سے کم (3.95 لاکھ) نام نکالے گئے ہیں۔ آسام واحد انتخابی ریاست ہے جہاں اس بار ایس آئی آر کا عمل نہیں ہوا۔کمیشن کے مطابق، جہاں پرانے اور غیر قانونی ناموں کو فہرست سے ہٹایا گیا ہے، وہیں بڑی تعداد میں نئے اہل ووٹرز کے نام بھی شامل کیے گئے ہیں تاکہ فہرست کو شفاف بنایا جا سکے۔

Source: PC-sangbadpratidin