ایس آئی آر کے خلاف تشددکی آگ پورے بنگال میں بھڑکنے لگی

مغربی بنگال میں ایس آئی آر یا ووٹر لسٹ کی تصدیق کے عمل کو لے کر شدید کشیدگی پھیل گئی ہے۔ مالدہ سے شروع ہونے والی اس احتجاج کی لہر اب جلپائی گوڑی، کوچ بہار، مرشد آباد اور مشرقی بردوان تک پہنچ چکی ہے۔مظاہرین کا اہم الزام یہ ہے کہ ووٹر لسٹ سے بڑی تعداد میں قانونی ووٹروں کے نام نکال دیے گئے ہیں۔ بہت سے لوگوں کے نام 'ایڈجوڈیکیشن' (زیر غور) یا 'ڈیلیٹڈ' لسٹ میں ڈال دیے گئے ہیں، جس کی وجہ سے عام لوگوں میں خوف اور غصہ پایا جاتا ہے۔ مالدہ کے انگریز بازار اور پرانا مالدہ کے نیشنل ہائی وے 12 کی ناکہ بندی کی گئی ۔ ٹائر جلا کر احتجاج کیا گیا ۔ پولیس کے ساتھ جھڑپ اور پولیس گاڑی کا ڈرائیور زخمی۔ جلپائی گوڑی میینا گوڑی (ہوسل ڈانگہ) نیشنل ہائی وے 27 کی ناکہ بندی کی گئی۔ کئی گھنٹوں تک ٹریفک معطل رہا۔کوچ بہار کے ماتھا بھانگا (مدرسہ موڑ) کوچ بہار-ماتھا بھانگا اسٹیٹ ہائی وے پر تقریباً 3 گھنٹے تک ناکہ بندی کی گئی اور احتجاج کیا گیا ۔مشرقی بردوان کے شکتی گڑھ کے بردوان بلاک 2 کے بی ڈی او آفس تک خاموش مارچ اور میمورنڈم کی پیش کش۔ مرشد آباد فرکا (بیوا-1 اور نین سکھ)ووٹر لسٹ سے نام نکالے جانے کے خلاف مقامی لوگوں کا احتجاج جاری رہا۔

Source: PC- tv9bangla