سلی گوڑی کے میئر گوتم دیو کے اثاثوں میں پانچ سالوں میں کروڑوں کا اضافہ

سلیگوڑی کے میئر گوتم دیو اس بار سلیگوڑی اسمبلی حلقہ سے ترنمول کے ٹکٹ پر الیکشن لڑ رہے ہیں۔ گزشتہ اسمبلی انتخابات میں وہ ڈابگرام-پھول باڑی حلقہ سے بی جے پی امیدوار شیکھا چٹرجی سے ہار گئے تھے۔ تاہم، ہار کے باوجود گزشتہ پانچ سالوں میں گوتم دیو کے اثاثوں میں نمایاں اضافہ ہوا ہے اور ان کی اہلیہ بھی اب کروڑ پتی بن چکی ہیں۔ گوتم دیو نے جمعرات کو انتخابات کے لیے کاغذات نامزدگی جمع کرائے۔ سلیگوڑی میں ان کے مدمقابل بی جے پی نے شنکر گھوش کو امیدوار بنایا ہے، جس کے باعث یہاں سخت مقابلے کی توقع ہے۔ مغربی بنگال کی 294 نشستوں پر اس بار دو مرحلوں میں ووٹنگ ہوگی۔ سلیگوڑی میں پہلے مرحلے کے تحت 23 اپریل کو ووٹ ڈالے جائیں گے اور نتائج کا اعلان 4 مئی کو ہوگا۔ امیدواروں نے مہم تیز کر دی ہے اور وزیر اعلیٰ ممتا بنرجی اور ابھیشیک بنرجی اضلاع کا دورہ کر کے مہم چلا رہے ہیں۔

Source: PC-sangbadpratidin