سرکاری اسپتال میں جانور آزادانہ گھوم رہے ہیں

اترپارہ: اچانک دیکھنے پر یہ سوال پیدا ہو سکتا ہے کہ کیا یہ جانوروں کا ہسپتال ہے؟ کتے آزادانہ گھوم رہے ہیں اور ہسپتال کے ویٹنگ روم میں گائے کا گشت جاری ہے۔ اترپارہ اسٹیٹ جنرل ہسپتال میں مریضوں کے بستروں کے پاس جانوروں کے اس طرح گھومنے کی تصویریں روز کا معمول بن چکی ہیں، جیسا کہ مریضوں کے اہل خانہ نے الزام لگایا ہے۔ چند روز قبل گورہاٹی ای ایس آئی ہسپتال میں مریض کے بستر پر کتے کے سونے کی تصویر وائرل ہوئی تھی اور اب اترپارہ کی یہ تصویر سامنے آئی ہے۔ اترپارہ سے سی پی آئی (ایم) کی امیدوار میناکشی مکھوپادھیائے نے صحت کی خدمات پر سوالات اٹھائے ہیں۔ ہسپتال آنے والے مریضوں کے رشتہ دار سوال کر رہے ہیں کہ انسانوں کے ہسپتال میں جانور کیوں آزادانہ گھوم رہے ہیں؟ جہاں انسانوں کا علاج ہونا چاہیے، وہاں کتے اور بلیاں گھوم رہی ہیں! صحت کی خدمات کی حالت زار انتہائی ابتر ہے۔ الزام ہے کہ صرف اترپارہ اسٹیٹ جنرل ہی نہیں بلکہ تمام ہسپتالوں کی یہی صورتحال ہے۔ جب اترپارہ اسٹیٹ جنرل ہسپتال کے سپرنٹنڈنٹ محمد محسن سے رابطہ کیا گیا تو انہوں نے مصروفیت کا بہانہ بنا کر فون کاٹ دیا۔سی پی آئی (ایم) امیدوار میناکشی مکھوپادھیائے نے ہسپتال کا دورہ کیا اور وہاں کی صورتحال پر سخت ناراضگی کا اظہار کیا۔ انہوں نے کہا، ”تمام ہسپتالوں کا یہی حال ہے۔ شدید بدعنوانی جاری ہے۔“

Source: PC- tv9bangla