Bengal

رابندر جینتی کے دن بی جے پی کی نئی کابینہ کی حلف برداری ہوگی

06/05/26

مغربی بنگال میں سیاسی تبدیلی کے بعد ایک تاریخی لمحہ قریب آ رہا ہے۔ تمام قیاس آرائیوں کو ختم کرتے ہوئے، وزیراعظم نریندر مودی کے اعلان کے مطابق، آئندہ ہفتہ (25 ویں بیساکھ)، رابندر جینتی کے دن ہی ریاست میں بی جے پی کی نئی کابینہ کی حلف برداری کی تقریب منعقد ہوگی۔حلف برداری کی تقریب ہفتہ کی صبح 10 بجے کولکتہ کے تاریخی بریگیڈ پریڈ گراونڈ میں ہوگی۔ ذرائع کے مطابق اس تقریب میں وزیراعظم نریندر مودی اور وزیر داخلہ امت شاہ شرکت کر سکتے ہیں۔ انتخابی نتائج کے دن ہی وزیراعظم نے دہلی سے اس تاریخ کا اشارہ دے دیا تھا۔ اگرچہ پارٹی کے اندر اتوار کے دن حلف برداری کے حوالے سے کچھ افواہیں گردش کر رہی تھیں، لیکن آخر کار رابندر ناتھ ٹیگور کے یوم پیدائش (رابندر جینتی) کے دن کو ہی حتمی قرار دیا گیا ہے۔بنگال میں پہلی بار بی جے پی کی حکومت سازی کو یادگار بنانے کے لیے بریگیڈ گراونڈ میں بڑے پیمانے پر تیاریاں شروع کر دی گئی ہیں۔

Source: PC-sangbadpratidin