پرامن پولنگ کو یقینی بنانے کے لیے موٹر سائیکلوں کی نقل و حرکت پر سخت پابندیاں عائد

مغربی بنگال میں اسمبلی انتخابات کے پیش نظر، الیکشن کمیشن نے آزادانہ اور پرامن پولنگ کو یقینی بنانے کے لیے موٹر سائیکلوں کی نقل و حرکت پر سخت پابندیاں عائد کر دی ہیں۔ کمیشن کے اس فیصلے پر نئی بحث چھڑ گئی ہے۔ ووٹنگ سے دو دن پہلے ہی حساس علاقوں میں موٹر سائیکل ریلیوں یا کسی بھی قسم کے بائیک جلوس پر مکمل پابندی رہے گی۔پولنگ سے دو دن قبل، روزانہ شام 6 بجے سے صبح 6 بجے تک موٹر سائیکل چلانے پر پابندی ہوگی۔ تاہم، ہنگامی طبی خدمات یا خاندانی ضرورت کی صورت میں اس سے استثنیٰ حاصل ہوگا۔ ووٹنگ سے دو دن قبل، صبح 6 بجے سے شام 6 بجے تک بائیک کے پیچھے کسی بھی مسافر (پیلین رائڈر) کو بٹھانے پر پابندی لگا دی گئی ہے۔الیکشن کمیشن نے واضح کیا ہے کہ اسکول جانے والے بچوں، طبی ضرورت کے حامل افراد یا ناگزیر گھریلو کاموں کے لیے بائیک پر دوسرے شخص کو بٹھانے کی اجازت ہوگی۔ الیکشن کمیشن کا موقف ہے کہ انتخابات کے دوران 'بائیک فورس' کے ذریعے ووٹرز کو ڈرانے دھمکانے کے واقعات کو روکنے اور سیکیورٹی کو یقینی بنانے کے لیے یہ قدم اٹھایا گیا ہے۔ جہاں انتظامیہ اسے امن و امان کے لیے ضروری قرار دے رہی ہے، وہیں عوامی حلقوں میں اس پابندی کو لے کر ملا جلا ردعمل دیکھنے کو مل رہا ہے۔

Source: PC-sangbadpratidin