احتجاج کے نام پر عدلیہ یا ججوں کو نشانہ نہ بنایا جائے: ممتا بنرجی

مالدہ میں پیش آنے والے پرتشدد واقعات اور انتخابی فہرستوں سے ناموں کے اخراج پر برہمی کے درمیان، مغربی بنگال کی وزیر اعلیٰ ممتا بنرجی نے سختی سے وارننگ دی ہے کہ احتجاج کے نام پر عدلیہ یا ججوں کو نشانہ نہ بنایا جائے، کیونکہ اس سے پورے بنگال کی بدنامی ہوتی ہے۔ممتا بنرجی نے دو ٹوک الفاظ میں کہا، "پارٹی کی طرف سے ججوں کے پاس جا کر ان پر حملہ نہ کریں، اس سے بنگال کی بدنامی ہوتی ہے۔ آپ کا غصہ جائز ہو سکتا ہے کیونکہ نام نکالے گئے ہیں، لیکن ججوں پر ہاتھ نہ اٹھائیں۔ انہوں نے مالدہ واقعے پر سپریم کورٹ کی طرف سے سی بی آئی اور این آئی اے کی تحقیقات کے حکم کا حوالہ دیتے ہوئے کہا کہ ان واقعات کی وجہ سے پوری ریاست کی ساکھ متاثر ہوئی ہے۔ وزیر اعلیٰ نے الزام لگایا کہ بی جے پی نے منصوبہ بندی کے تحت ہزاروں لوگوں کے نام فہرست سے نکالے ہیں۔ انہوں نے دعویٰ کیا کہ اکیلے بھوانی پور سے 40 ہزار نام نکالے گئے ہیں۔انہوں نے کہا، "میں نے دھرنا دیا، کیس لڑا، تب جا کر 42 لاکھ میں سے 22 لاکھ نام واپس آئے۔ جن کے نام ابھی بھی نہیں ہیں، وہ اپیل کریں، لیکن قانون ہاتھ میں نہ لیں۔

Source: PC- sangbadpratidin