پوتی کے ساتھ دادا کی زیادتی، سالے کی بیوی کے ساتھ بہنوئی کی جنسی ہراسانی، بشیر ہاٹ میں دو ملزمان گرفتار

بشیر ہاٹ 2جنوری :نابالغہ کے ساتھ زیادتی کے الزام میں پڑوسی دادا گرفتار، جبکہ دوسری طرف سالے کی بیوی کی آبرو ریزی کرنے پر بہنوئی کو پولیس نے دبوچ لیا۔ شمالی 24 پرگنہ کے دو الگ الگ تھانوں میں گرفتار ہونے والے ان دونوں ملزمان کو جمعہ کے روز عدالت میں پیش کیا جا رہا ہے۔ پہلا واقعہ شمالی 24 پرگنہ کے ہنگل گنج کا ہے۔ الزام ہے کہ یکم جنوری، جمعرات کی شام ایک 14 سالہ نابالغہ گھر میں اکیلی تھی۔ والدین گھر پر موجود نہیں تھے۔ اس موقع کا فائدہ اٹھاتے ہوئے پڑوسی معمر شخص اس کے گھر گیا۔ متاثرہ خاندان کا الزام ہے کہ ملزم نے 'بات کرنی ہے' کہہ کر دروازہ کھلوایا۔ لڑکی نے دروازہ کھولا اور بتایا کہ والدین گھر پر نہیں ہیں، آپ انتظار کریں۔ الزام ہے کہ اسی وقت ملزم اسے زبردستی کمرے میں لے گیا اور اس کی آبرو ریزی کی۔ والدین نے گھر واپسی پر بیٹی سے سب کچھ سن کر تھانے میں شکایت درج کرائی۔ ہنگل گنج تھانے کی پولیس نے جمعرات کی رات ہی ملزم کو گرفتار کر لیا۔ جمعہ کے روز لڑکی کو طبی معائنے کے لیے اسپتال بھیجا گیا ہے اور گرفتار ملزم کو بشیر ہاٹ سب ڈویڑنل عدالت میں پیش کیا گیا۔ پولیس ذرائع کے مطابق، لڑکی کا خفیہ بیان (مجسٹریٹ کے سامنے) قلمبند کیا جائے گا۔

Source: PC- anandabazar