پولس نے بروقت کارروائی کرکے قیمتی لکڑی کی اسمگلنگ ناکام بنا دی

جلدا پاڑہ نیشنل پارک کے حکام نے ریاستوں کے درمیان ہونے والی تقریباً ایک کروڑ روپے مالیت کی 'خیر' کی لکڑی کی اسمگلنگ کی ایک بڑی کوشش کو ناکام بنا دیا ہے۔ اس کارروائی میں بھاری مقدار میں لکڑی برآمد کی گئی ہے اور چھ افراد کو گرفتار کیا گیا ہے، جن میں ہماچل پردیش اور بہار کے باشندے بھی شامل ہیں۔ خفیہ اطلاع ملنے پر فارسٹ حکام نے جمعہ کی علی الصبح تقریباً 3 بجے نیشنل ہائی وے 31 سی پر ایک بڑے کنٹینر کو روکا، جس میں لکڑی لدی ہوئی تھی۔ اسمگلروں کی مدد کرنے والی ایک لگژری گاڑی بھی ضبط کر لی گئی ہے۔ گرفتار شدگان میں باپ بیٹا بھی شامل ہیں جن کا تعلق ہماچل پردیش سے ہے، جبکہ دیگر کا تعلق بہار اور مغربی بنگال کے مقامی علاقوں سے ہے۔ واضح رہے کہ 'خیر' کی لکڑی کی شمال مشرقی ریاستوں کی بڑی فیکٹریوں میں بہت زیادہ مانگ ہے۔ یہ لکڑی پان میں استعمال ہونے والے کتھے کی تیاری کے علاوہ مختلف ادویات بنانے میں بھی استعمال ہوتی ہے۔ پولیس اور محکمہ جنگلات اب اس نیٹ ورک کے دیگر اراکین کی تلاش کر رہے ہیں۔

Source: PC- sangbadpratidin