پانی ہٹی سے بی جے پی کی امیدوار رتنا دیب ناتھ کو پولس کا سمن

پانی ہاٹی کے انتخابی میدان میں اس وقت سیاسی ہلچل تیز ہو گئی جب پولیس نے بی جے پی امیدوار اور 'ابھیا' کی والدہ رتنا دیوناتھ کو سمن جاری کر دیا۔ ووٹنگ سے ٹھیک پہلے ہونے والی اس کارروائی نے علاقے میں تناو بڑھا دیا ہے۔ رتنا دیوناتھ کے بی جے پی امیدوار بننے کے بعد، انتخابی مہم کے دوران ان کی ایک ویڈیو سوشل میڈیا پر وائرل ہوئی تھی۔ الزام ہے کہ انہوں نے وزیر اعلیٰ ممتا بنرجی کے خلاف نازیبا الفاظ استعمال کیے تھے۔ اسی وائرل تبصرے کی بنیاد پر پولیس نے انہیں پوچھ گچھ کے لیے سمن بھیجا ہے۔رتنا دیوناتھ نے یہ سمن قبول کرنے سے انکار کر دیا۔ ان کا کہنا ہے کہ نوٹس پر ان کے شوہر کا نام غلط درج ہے، اس لیے وہ اسے وصول نہیں کریں گی۔انہوں نے سخت ردعمل دیتے ہوئے کہا کہ "ترنمول کے پاس میرے خلاف کوئی ٹھوس ایشو نہیں ہے، اس لیے وہ سمن بھیج کر مجھے ہراساں کرنے کی کوشش کر رہے ہیں۔ لیکن اس طرح کی دھمکیوں سے مجھے ڈرایا نہیں جا سکتا۔

Source: PC-sangbadpratidin