’دفتر میں بیٹھ کر چائے بسکٹ کھانے کے علاوہ کوئی کام نہیں تھا‘، سابق وزیر منوج کا ایک بار پھر ترنمول پر نشانہ

شیب پور کے سابق ایم ایل اے اور ریاست کے سابق وزیر منوج تیواری نے ایک بار پھر ریاست کی ترنمول حکومت کے خلاف سنگین الزامات عائد کیے ہیں۔ منگل کے روز انہوں نے سوشل میڈیا پر ترنمول حکومت کے خلاف ایک پوسٹ شیئر کی تھی جس میں لکھا تھا کہ ’پاپ باپ کو نہیں چھوڑتا‘۔ سوشل میڈیا پر ایک ویڈیو پیغام کے ذریعے سابق وزیر منوج نے ریاست کے سابق وزیر کھیل اروپ بسواس کو آڑے ہاتھوں لیا۔ انہوں نے بتایا کہ وزیر مملکت برائے کھیل کے عہدے پر رہتے ہوئے انہیں کوئی کام ہی نہیں کرنے دیا گیا۔ محکمہ کھیل میں کسی بڑے منصوبے پر کام کرنے کی خواہش کے باوجود انہیں روک دیا گیا۔ اس حوالے سے بات کرتے ہوئے منوج نے کہا: ”مجھے ایسی وزارت دی گئی تھی کہ اس دفتر میں بیٹھ کر چائے بسکٹ کھانے کے علاوہ میرا اور کوئی کام نہیں تھا۔ اروپ بسواس نے مجھے کوئی کام کرنے ہی نہیں دیا۔ کھیل سے متعلق میں کوئی بھی پروجیکٹ لاتا تو وہ اسے کرنے نہیں دیتے تھے۔ اروپ بسواس میری کوئی بات نہیں سنتے تھے، یہاں تک کہ وزیر اعلیٰ بھی میری بات نہیں سنتی تھیں۔“

Source: PC-sangbadpratidin