ایک طرف ریاست تلوتما واقعہ کو لے کر افراتفری کا شکار ہے۔ سپریم کورٹ میں کیس چل رہا ہے۔ ادھر رات کی ڈیوٹی کے دوران ڈیوٹی پر مامور نرس کو دیکھ کر نوجوان کو پیار ہو گیا۔ اس نے محبت کا خط دیا۔جیسے ہی معاملہ سامنے آیا، مہیشتلہ پولیس اسٹیشن میں شکایت درج کروائی گئی۔ پولیس نے ملزم کو گرفتار کر لیا۔ یہ واقعہ مہیشتلہ کے بجاباز ای ایس آئی اسپتال میں پیش آیا۔معلوم ہوا ہے کہ نرسنگ ا سٹاف پیر کی رات نائٹ ڈیوٹی کر رہی تھی۔ رات بھر کی ڈیوٹی کے بعد منگل کی صبح جب وہ چینج روم میں گئیء تو اس نے فرش پر ایک کاغذ پڑا ہوا دیکھا۔ اس نے کاغذ اٹھایا تو دیکھا کہ کاغذ کے اندر محبت کی تجویز لکھی تھی۔ نوجوان نے وہاں لکھا، 'میں تم سے پیار کرتا ہوں۔ مجھے تم سے پہلی نظر میں پیار ہو گیا تھا۔اس کے بعد جونیئر نرس نے ڈیوٹی پر موجود سینئر ڈاکٹروں اور نرسوں کو آگاہ کیا۔ پوچھ گچھ کے بعد نوجوان کو نرسوں نے نوجوان کو پکڑ لیا۔ اس کے بعد مہیشتلہ پولیس اسٹیشن کو اطلاع دی گئی۔ پولیس نے آکر نوجوان کو گرفتار کرلیا۔ معلوم ہوا ہے کہ نوجوان کا والد ہسپتال کے چیسٹ میڈیسن ڈیپارٹمنٹ میں داخل ہے۔ اس واقعہ میں بجاج ای ایس آئی اسپتال میں کام کرنے والی نرسیں عدم تحفظ کا شکار ہیں۔ مہیشتلہ پولیس اسٹیشن میں پہلے ہی تحریری شکایت درج کرائی جاچکی ہے۔

Source: akhbarmashriq