کلتلی میں ایک گھریلو خاتون کی عریاں تصویریں دکھا کر اس کی بار بار عصمت دری کرنے کا الزام لگایا گیا ہے۔ بلیک میل کرکے پیسے بٹورنے کے علاوہ متاثرہ نے گھر والوں کو جان سے مارنے کی دھمکیاں بھی دیں۔ ملزم گاوں کا نوجوان ہے۔ متاثرہ نے بدھ کی رات کلتلی پولیس اسٹیشن میں تحریری شکایت درج کروائی، متاثرہ کے بیان کے مطابق معلوم ہوا ہے کہ اس کا شوہر کام کے سلسلے میں کیرالہ میں رہتا ہے۔ الزام ہے کہ ملزم نوجوان شوہر کی غیر موجودگی میں دن دہاڑے موبائل فون پر خاتون کو ہراساں کرتا تھا۔ الزام ہے کہ وہ ایک رات گھر میں داخل ہوا اور اس کی زبردستی عصمت دری کی اور اس وقت عریاں تصویریں کھینچیں۔ متاثرہ کے مطابق اس کے بعد سے ملزم وہ تصویر دکھا کر بلیک میل کرتا تھا۔ اور متاثرہ کے مطابق، اس طرح اسے ایک سے زیادہ مرتبہ تشدد کا نشانہ بنایا گیا۔چند سال قبل خاتون نے کلتلی پولیس اسٹیشن میں شکایت درج کروائی تھی۔ لیکن متاثرہ نے دعویٰ کیا کہ اس وقت ملزم کے خلاف کوئی سخت کارروائی نہیں کی گئی۔ حالات بگڑنے پر اس نے اپنے شوہر کو سارا معاملہ بتایا۔ اس کے شوہر کا دعویٰ ہے کہ متاثرہ نے ڈپریشن کی وجہ سے خودکشی کی کوشش کی۔ آخر کار کلتلی پولیس اسٹیشن میں شکایت درج کرائی گئی ہے۔ اس شکایت کی بنیاد پر پولیس نے تفتیش شروع کردی ہے۔ متاثرہ کا پہلے ہی میڈیکل ٹیسٹ ہو چکا ہے۔ ملزم واقعہ کے بعد سے فرار ہے۔ تھانہ کلتلی کی پولیس اس کی تلاش کر رہی ہے۔

Source: Mashriq News service