نئی مشین کے بغیر ووٹنگ نہ ہونے دیں : ممتا بنرجی کا اپنے ورکروںکومشورہ

ممتا بنرجی مختلف اضلاع کا دورہ کر رہی ہیں اور ایک دن میں چار سے پانچ جلسے کر رہی ہیں۔ ہفتہ کے روز ان کے جلسے الوبیریا (ہوڑہ) اور جنوبی 24 پرگنہ کے باروئی پور، بھانگوڑ اور سونار پور میں شیڈول ہیں۔ وہ ہر جگہ یہ کہہ رہی ہیں کہ "294 نشستوں پر میں ہی امیدوار ہوں"، تاکہ ووٹرز براہِ راست ان کے نام پر ترنمول کانگریس کو ووٹ دیں۔ وہ اپنی تقریروں میں "باہر سے آنے والوں" (بہیراگت) کے نظریے اور مرکزی ایجنسیوں کے غلط استعمال پر بی جے پی کو نشانہ بنا رہی ہیں۔ممتا بنرجی نے 4 مئی کو ہونے والی ووٹوں کی گنتی اور ووٹنگ کے دن کے لیے پارٹی کارکنوں کو خاص ہدایات دی ہیں۔انہوں نے کارکنوں کو خبردار کیا کہ وہ ای وی ایم مشینوں کی ہر بٹن اور گنتی کی باریکی سے نگرانی کریں۔ ان کا دعویٰ ہے کہ ووٹنگ کے دن جان بوجھ کر مشینیں خراب کی جا سکتی ہیں۔ انہوں نے ہدایت دی کہ جب تک نئی مشین نہ آئے، ووٹنگ نہ ہونے دیں کیونکہ مشینوں میں "چپ" لگائی جا سکتی ہے۔انہوں نے وی وی پیٹ کے بغیر ای وی ایم چیک کرنے سے منع کیا ہے۔ممتا بنرجی نے الیکشن کمیشن پر الزام لگایا کہ وہ "سست پولنگ" اور "سست گنتی" کا منصوبہ بنا رہے ہیں۔ انہوں نے کہا:یہ افواہ پھیلائی جائے گی کہ ترنمول ہار رہی ہے۔ لیکن یاد رکھیں، اگر سورج کا طلوع بی جے پی کے ساتھ ہوا تو غروب ترنمول کے ساتھ ہوگا۔ آخر میں ترنمول ہی جیتے گی اور ہم پہلے سے زیادہ نشستیں حاصل کریں گے۔

Source: PC-anandabazar