نتائج کے اعلان کے بعد بھانگڑ میں کشیدگی، مار پیٹ، دھمکیاں اور گھروں میں توڑ پھوڑ

انتخابی نتائج کے اعلان کے فوراً بعد جنوبی 24 پرگنہ ضلع کا علاقہ بھانگڑ پرتشدد واقعات سے دہل اٹھا ہے۔ اس بار بھانگڑ میں اپوزیشن (جو اب ریاست میں برسرِ اقتدار آنے والی ہے) کے حامیوں کے ہاتھوں ترنمول کانگریس کے وابستگان پر حملوں کے الزامات سامنے آئے ہیں۔ کئی مقامات پر گھروں میں توڑ پھوڑ اور مار پیٹ کی شکایات ملی ہیں۔ مقامی ذرائع کے مطابق ایک معمر شخص کی حالت تشویشناک ہے، جنہیں کولکتہ کے ایک اسپتال میں داخل کرایا گیا ہے۔ ترنمول کا الزام ہے کہ بھانگڑ میں فاتح آئی ایس ایف (ISF) کے کارکنوں اور رہنماوں نے رات بھر مختلف علاقوں میں ہنگامہ آرائی کی۔ ووٹنگ کے بعد ہونے والے اس تشدد کی وجہ سے نیم کڑیہ گاوں میں شدید کشیدگی پھیلی ہوئی ہے۔ بیونتا میں ترنمول لیڈر کے گھر پر توڑ پھوڑ کا الزام بی جے پی پر لگا ہے۔ الزام ہے کہ ترنمول سے وابستگی کے 'جرم' میں گھر میں گھس کر خواتین سمیت خاندان کے تمام افراد کو تشدد کا نشانہ بنایا گیا۔منگل کی صبح نیم کڑیہ گاوں میں ایک ترنمول کارکن کے گھر میں گھس کر اس لیے توڑ پھوڑ کی گئی کہ اس نے گھر سے ترنمول کا جھنڈا نہیں ہٹایا تھا۔

Source: PC-anandabazar