نشے میں دھت باپ نے اپنے بیٹے کا قتل کر دیا

مرشد آباد کے اسلام پور تھانہ کے تحت رائے پور گاوں میں نشے میں دھت بیٹے کے اپنے ہی باپ کے ہاتھوں مبینہ طور پر قتل ہونے کے واقعے نے سنسنی پھیلا دی ہے۔ واقعے کی تفصیلات درج ذیل ہیں: ہلاک ہونے والے نوجوان کا نام شاہ جمال ملا عرف باپون (28 سال) ہے۔ مقامی ذرائع کے مطابق شاہ جمال باقاعدگی سے نشہ کرتا تھا اور گھر میں روزانہ ہنگامہ آرائی کرتا تھا۔ اسی وجہ سے اس کی بیوی بھی مائیکے چلی گئی تھی۔ جمعہ کی رات شاہ جمال نشے کی حالت میں گھر آیا اور توڑ پھوڑ شروع کر دی۔ اس نے گھر کی بجلی کی تاریں کھینچ کر توڑ دیں، جس سے پورا گھر اندھیرے میں ڈوب گیا۔اندھیرے میں باپ اور بیٹے کے درمیان شدید ہاتھا پائی ہوئی۔ الزام ہے کہ اسی دوران باپ کے ہاتھوں بیٹا ہلاک ہو گیا۔ اطلاع ملتے ہی اسلام پور تھانہ کی پولیس نے موقع پر پہنچ کر لاش کو قبضے میں لے کر پوسٹ مارٹم کے لیے بھیج دیا ہے۔ واقعے کے بعد سے ملزم باپ مفرور ہے، جس کی تلاش کے لیے پولیس چھاپے مار رہی ہے۔

Source: PC-anandabazar