مودی کی طرح الیکشن کمیشن کے افسروں نے بھی کشتی رانی کا لطف اٹھایا

مغربی بنگال میں انتخابی عمل کے کامیاب اختتام کے بعد الیکشن کمیشن کے افسران خوشگوار موڈ میں نظر آئے۔ منگل کی سہ پہر سی ای او منوج اگروال، سبھرت گپتا اور پولیس مبصر این کے مشرا کی قیادت میں کمیشن کے تمام افسران نے دریائے گنگا میں کشتی رانی (نوکا وہار) کا لطف اٹھایا۔ شہروں میں بڑی عمارتوں کے مکینوں کی ووٹنگ میں عدم دلچسپی کو ختم کرنے کے لیے کمیشن نے اس بار عمارتوں کے اندر ہی بوتھ بنائے تھے۔ اس کا نتیجہ یہ نکلا کہ ووٹنگ کی شرح میں 30 سے 40 فیصد اضافہ ہوا۔ مثلاً ہائی لینڈ گرین ہاوس کمپلیکس میں 92 فیصد اور اسپیس ٹاون میں 90 فیصد سے زائد ووٹ پڑے۔ جنوبی کولکتہ کی نشستوں پر ووٹوں کی گنتی کے حوالے سے کمیشن نے واضح کیا ہے کہ پورا عمل مکمل طور پر شفاف اور ضوابط کے مطابق ہوا ہے اور کسی قسم کی بے ضابطگی نہیں پائی گئی۔کمیشن نے اشارہ دیا ہے کہ مستقبل میں رہائشی کمپلیکس کے اندر پولنگ بوتھس کی تعداد 87 سے مزید بڑھائی جائے گی۔

Source: PC-sangbadpratidin