ممتا بنرجی کے خلاف نازیبا پوسٹ پر بی جے پی ایم ایل اے نے آوازاٹھائی

ممتا بنرجی کے خلاف نازیبا پوسٹ پر بی جے پی ایم ایل اے نے آوازاٹھائی کلیانی29دسمبر: مغربی بنگال کی وزیراعلیٰ ممتا بنرجی کے خلاف سوشل میڈیا پر ایک نازیبا پوسٹ شیئر کیے جانے کے خلاف بی جے پی ایم ایل اے اسیم سرکار نے آواز اٹھائی ہے۔ سوشل میڈیا پر ایک مسلم نوجوان کی جانب سے وزیراعلیٰ کے خلاف انتہائی نازیبا اور طنزیہ پوسٹ شیئر کی گئی، جو دیکھتے ہی دیکھتے وائرل ہوگئی۔ ہیرن گھاٹا سے بی جے پی ایم ایل اے اسیم سرکار نے اس کی سخت مذمت کرتے ہوئے کہا، "سیاسی نظریات مختلف ہو سکتے ہیں، لیکن وہ ایک خاتون ہیں اور ہماری ریاست کی وزیراعلیٰ ہیں۔ ان کے بارے میں ایسی نازیبا باتیں ناقابل برداشت ہیں۔" انہوں نے اس بات پر حیرت جتائی کہ ترنمول کے اپنے کارکنوں نے اس پر احتجاج کیوں نہیں کیا۔رانا گھاٹ جنوبی تنظیم کے ٹی ایم سی نائب صدر چنچل دیوناتھ نے کہا کہ پوسٹ کرنے والا لڑکا ناخواندہ اور نادان ہے۔ تاہم، انہوں نے اسیم سرکار کے بیان کو 'سیاسی بو' قرار دیتے ہوئے تنقید کی کہ جب دلیپ گھوش یا سکانتا مجمدار متنازع بیانات دیتے ہیں، تب بی جے پی رہنما خاموش کیوں رہتے ہیں۔

Source: Social Media