’وہ تباہ کرنا جانتا ہے، بہت حسد کرنے والا شخص ہے، وہ ایسا کوئی کام نہیں جو نہ کر سکے!ممتا نے امیت شاہ کو نشانہ بنایا؟

مالدہ کے گاجول میں ایک انتخابی جلسے سے خطاب کرتے ہوئے وزیر اعلیٰ ممتا بنرجی نے مرکزی وزیر داخلہ امت شاہ پر سخت لفظی حملہ کیا۔ انہوں نے نام لے کر اور بغیر نام لیے کئی سنگین الزامات لگائے۔ممتا بنرجی نے امت شاہ کو ’موٹا بھائی‘ کہہ کر مخاطب کیا اور کہا: ”یہ موٹا بھائی ایسا کوئی کام نہیں جو نہ کر سکے۔ وہ صرف تباہ کرنا جانتا ہے۔ وہ ایک انتہائی حاسد انسان ہے، لیکن تم جتنی بھی کوشش کر لو بھائی، جیتو گے نہیں۔“ انہوں نے کہا کہ کچھ لوگ وقف کے معاملے پر غلط فہمیاں پھیلا رہے ہیں۔ ہم نے اس کے لیے جدوجہد کی ہے اور اب یہ اماموں کے ہاتھ میں ہے، ہم نے اسے بی جے پی کے قبضے میں نہیں جانے دیا۔وزیر اعلیٰ نے مرکزی وزارت داخلہ کو نشانہ بناتے ہوئے الزام لگایا کہ سرحد کے ذریعے منشیات اور پیسہ بھیج کر ریاست کو غیر مستحکم کرنے کی کوشش کی جا رہی ہے۔میں نے سنا ہے کہ دوسری ریاستوں سے بسوں اور ٹرینوں کے ذریعے لوگ لائے جا رہے ہیں۔ مجھے نہیں معلوم کہ ناکہ چیکنگ میں کیا ہو رہا ہے، لیکن بی جے پی والوں کو چھوڑ دیا جاتا ہے۔“

Source: PC-sangbadpratidin