مودی نے ممتا حکومت پر سلی گوڑی کوریڈور کو نظر انداز کرنے کا الزام لگایا

سلی گڑی، 12 اپریل : وزیر اعظم نریندر مودی نے اتوار کے روز مغربی بنگال کی حکمراں ترنمول کانگریس پر حملہ کرتے ہوئے الزام لگایا کہ پارٹی اپنی "خوشامد کی سیاست" کی وجہ سے قومی سلامتی کے مسائل پر فیصلہ کن کارروائی کرنے سے کترا رہی ہے ۔ کواکھلی میدان میں ایک انتخابی ریلی سے خطاب کرتے ہوئے ، وزیر اعظم نے اسٹریٹجک لحاظ سے اہم 'سلیگوڑی کوریڈور' (چکن نیک) کا معاملہ اٹھایا۔ انہوں نے کہا، "یہ ماں بھارتی کا ایک حساس حصہ ہے ۔ کچھ ہندوستان مخالف طاقتیں اس راہداری کوکاٹ کر شمال مشرق کو ملک کے باقی حصوں سے الگ کرنے کی سازش کر رہی ہیں۔ تاہم، اپنی خوشامد کی سیاست کی وجہ سے ، ترنمول اس خطرے سے لاتعلق ہے اور پارلیمنٹ تک ایسی طاقتوں کی حمایت کر رہی ہے ۔" مسٹر مودی نے زور دے کر کہا کہ سلی گوڑی کوریڈور نہ صرف ملک کی سلامتی بلکہ اس کی خوشحالی کے لیے بھی اہم ہے ۔ انہوں نے قومی سلامتی، ترقی اور شمالی بنگال کے مستقبل پر تفصیل سے بات چیت کی۔ کنیکٹیویٹی پروجیکٹوں کا ذکر کرتے ہوئے مسٹر مودی نے کہا، "سیوک سے رنگپو تک ریل رابطے پر کام تیزی سے جاری ہے ۔ اس سے سلی گوڑی اور سکم کے درمیان رابطے بڑھیں گے ، جس سے تجارت اور سیاحت کے لیے نئی راہیں کھلیں گی۔ خاص طور پر دارجلنگ کے لوگوں کو اس سے بہت فائدہ ہوگا۔"

Source: UNI NEWS