ممتابنرجی نے امیت شاہ کو نشانہ بناتے ہوئے کہا ،میرا کچھ نہیں بگاڑ سکوگے

وزیراعلیٰ ممتا بنرجی نے اتر پاڑہ میں ایک انتخابی جلسے سے خطاب کرتے ہوئے بی جے پی کی مرکزی قیادت، بالخصوص وزیراعظم نریندر مودی اور وزیر داخلہ امت شاہ پر شدید حملے کیے۔ انہوں نے بھوانی پور میں انتخابات کے دوران دھاندلی کے خدشات اور بی جے پی کی حکمت عملی پر سخت ردعمل دیا۔ بھوانی پور میں ووٹوں کی لوٹ مار کا خدشہ! امت شاہ کو نشانہ بناتے ہوئے ممتا نے کہا، ’میرا کچھ نہیں بگاڑ سکو گے‘ امت شاہ کو ’موٹا بھائی‘ کہہ کر پکارتے ہوئے ممتا بنرجی نے الزام لگایا کہ انہوں نے نندی گرام میں سی آر پی ایف کو ووٹ لوٹنے کے لیے بھیجا تھا۔ اب وہی شخص میٹنگز کر کے بھوانی پور میں ووٹنگ کے عمل کو ’سست‘ کرنے کی ہدایات دے رہا ہے تاکہ لوگ ووٹ نہ ڈال سکیں۔ انہوں نے دو ٹوک انداز میں کہا، "مجھے بھوانی پور کی ذمہ داری دی گئی ہے، تم لوگ میرا کچھ نہیں بگاڑ سکو گے (توورا کانچ کلا کوربی آمار)۔" ممتا بنرجی نے دعویٰ کیا کہ بی جے پی نے بھوانی پور میں ’باہری‘ لوگوں کو داخل کر دیا ہے۔ ان کے مطابق، گزشتہ روز بھی بسوں میں بھر کر لوگوں کو لایا گیا تاکہ انتخابی عمل کو متاثر کیا جا سکے۔

Source: PC-sangbadpratidin