لو جہاد اور لینڈ جہاد ختم کریں گے، اب بنگال میں سب ایک ہی شادی کریں گے!’ مالدہ میں امت شاہ کا اعلان

مالدہ میں ایک انتخابی ریلی کے دوران مرکزی وزیر داخلہ امت شاہ نے ترنمول حکومت پر سخت الفاظ میں حملہ کیا اور بی جے پی کے اقتدار میں آنے پر کئی بڑے اقدامات کا اعلان کیا۔ یو سی سی کا نفاذ اور شادی کے قوانین نافذ ہوںگے۔امت شاہ نے اعلان کیا کہ بی جے پی حکومت بننے کے بعد ریاست میں یونیفارم سول کوڈ نافذ کیا جائے گا۔ انہوں نے کہا:"کوئی چار شادیاں کرے اور کسی کو ایک ہی شادی کی اجازت ہو، کیا یہ ٹھیک ہے؟ فکر نہ کریں۔ 5 مئی کو حکومت بننے کے بعد ہم یو سی سی نافذ کریں گے۔ اب چار شادیوں کا رواج ختم ہوگا۔ ہم 'لو جہاد' اور 'لینڈ جہاد' کا بھی خاتمہ کریں گے۔"بابر نے رام مندر توڑا تھا، مودی جی نے ایودھیا میں مندر بنایا۔ مامتادی کے ہمایوں کبیر کہتے ہیں کہ بنگال میں بابری مسجد بنائیں گے۔""ہمایوں کبیر کان کھول کر سن لو، اس سرزمین پر اب کوئی بابری مسجد نہیں بنا سکے گا۔ دیدی اور بھتیجے (ابھشیک بنرجی) کا یہ خواب 5 تاریخ کو چکنا چور ہو جائے گا۔انہوں نے دعویٰ کیا کہ بی جے پی نے ملک کو نکسل ازم اور دہشت گردی سے پاک کیا ہے، اور اب باری مغربی بنگال کو دراندازوں سے پاک کرنے کی ہے۔"بدعنوان لوگ سمجھتے ہیں کہ وہ بچ جائیں گے۔ 5 مئی آنے دیں، ایک ایک کر کے تمام بدعنوانوں کو جیل میں ڈالا جائے گا۔" "جنہوں نے کٹ منی لی ہے، انہیں الٹا لٹکا کر سیدھا کریں گے۔"ممتا بنرجی کے حامیوں اور مبینہ 'غنڈوں' کو وارننگ دیتے ہوئے انہوں نے کہا:"ممتا کے غنڈوں سے کہہ رہا ہوں، 23 اپریل کو اپنے گھروں میں رہیں۔ اگر شور مچایا تو 5 مئی کو تم سے نمٹا جائے گا۔: امت شاہ منگل کے روز مالدہ کے مانک چک اور غازل میں انتخابی مہم کے سلسلے میں موجود تھے، جہاں انہوں نے شمالی بنگال کی ترقی اور مافیا راج کے خاتمے کا وعدہ کیا۔بنگال کی سیاست میں 'لو جہاد' اور 'یو سی سی' جیسے موضوعات کا داخل ہونا اس انتخابی مہم کو مزید پولرائز کر رہا ہے۔ کیا آپ کو لگتا ہے کہ یو سی سی کا مسئلہ بنگال کے ووٹروں پر اثر انداز ہوگا؟

Source: PC-tv9bangla