سپریم کورٹ بھی کیا الیکشن کمیشن کی طرح کام کر رہا ہے، اس کے دو تبصرہ سنیں

سپریم کورٹ میں سماعت کے دوران ٹریبونل میں درخواستوں کے تصفیے کی سست رفتار اور مالدہ کے واقعے سے متعلق اہم مشاہدات سامنے آئے ہیں۔ترنمول کانگریس کے وکیل کلیان بنرجی نے عدالت کو بتایا کہ 27 لاکھ درخواستوں میں سے اب تک صرف 136 کا تصفیہ ہوا ہے۔چیف جسٹس سوریا کانت نے واضح کیا کہ اگر ٹریبونل کے معاملات میں عدالتی مداخلت کی ضرورت ہے، تو درخواست گزار کو کلکتہ ہائی کورٹ کے چیف جسٹس س جوئے پال سے رجوع کرنا چاہیے۔سماعت کے دوران ریاست میں پہلے مرحلے کی پولنگ کا تذکرہ ہوا۔ کلیان بنرجی اور سالیسیٹر جنرل تشار مہتا دونوں نے 92 فیصد ووٹنگ کو "تاریخی" قرار دیا۔سالیسیٹر جنرل نے عدالت کو بتایا کہ چند اکا دکا واقعات کے علاوہ انتخابات پرامن رہے اور مرکزی افواج نے بہترین کام کیا۔سپریم کورٹ نے مالدہ کے موتھاباری میں ججوں کے گھیراو کے واقعے میں این آئی اے کو چارج شیٹ داخل کرنے کی اجازت دے دی ہے۔چیف جسٹس سوریا کانت اور جسٹس جے مالیہ باگچی پر مشتمل بنچ نے کہا کہ جب شہری اپنے حق رائے دہی کا استعمال کرتے ہیں تو جمہوری نظام مضبوط ہوتا ہے، اور اپنی طاقت کا احساس ہونے پر لوگ تشدد سے دور رہتے ہیں۔

Source: PC-anandabazar